كفاك ظلماً

بارت١٢(ج٢)

بارت ١٢ من الجزء الثاني
طيف

روح ..

فزيت من دك موبايله ابتعدت بسرعه يبوو على وضعي التعبان رجعت لطيحان حظي
وخرت منه وكمت الكفشه عبالك مهرج..

هو ملامحه حاده رد على الموبايل لو بيدي اخنكه واخلص منه غير غثيث..

طلعت اغسل وجهي ورجعت لكيته طالع.

صعدت خاله علياء مبتسمه كالت.. يله تعاي يمي بالبيت
هزيت راسي وشلت يسار ونزلنه..

عمو جان موجود گلي.. ها بابا وين رايحه
خجلت جاوبته بارباك .. رايحه لبيت خاله ابقى يمهم افضل

رد عليه... اخذي راحتج البيت بيتج، صدك نسيت اكلج اخذتلج اسبوع اجازه.

هزيت راسي يابه والله العنده واسطه يرتاح راحه فول اوبشن .

طلعت ويا علياء فرحانه بينا بس لازم يصير شي ينغص حياتي..

جنت كاعده وانتظر زينه لا شفتهه ولا سمعت صوتهه من اجيت لهسه.. جانت تشتغل بصيدلية اني ضليت كاعده هي تسولف عليه..

نفتح الباب ودخلت جهينه والله  لو مسميهه جهنم احسن واكشخ ومناسب الهه حيل .

ضحكت وكالت هاي المشوهه لو غيرها يمه باع شصايره شحلاتهه..

اني حتاريت مره واحد يكلي متغيره وصايره محلوه ومره يكولولي حلوه
اني وحده مقتنعه بنفسي وضاله بطرك الاخلاق بس خلي ارتاح

كعدت يمي وخاله بالمطبخ تسوي ماعرف شنو بس تريد تضيفني كعدت الحيه يمي وضلت تفح سمهه

رفعت راس يسار ضربت كف ايدهه وباوعتلهه بغضب
ضحكت بحقاره وكالت.. انتي شنو سالفتج شنو شو واحد نسخه من ابوه واحد ازرگ بس لا هذا نغل

فتخت عيوني وكتلهه.. عمرج بالسبعين متخافين ربج تطعنين بشرفي
والله ما ابريج الذمه لاخر نفس اتنفسه.
ضحكت وكالت.. شبيج عصبتي لازم صدك هذا ء

مخليتهه تحجي كتلهه اني مره وكحه الي يحجي بشرفي ويطعن باخلاقي اطيح حظه سواء طفل لو عجوز ما احترم اني صلفةة..

هي باوعتلي وكالت... عاب هالشكل انتي مني وتطرديني

استغفرالله حجيتهه بانزعاج كمت وبحضني يسار دخلت جوه وكلت لعلياء تطلع لامهه..

كبت العيطه بينهن اني حضنت ابني وابجي شكد بلا حظ اني شنو الي اريده غير بس انجمع باولادي ليش مجاي ارتاح..

نفتح الباب ودخل عمر باوعل وكال.. شبيج ليش تبجين احد حاجي وياج ومزعلج

سكتت هو دخل وعاف الباب مفتوح كعد كبالي ولزم ايد يسار وحضنه وضل يضحك وياه ويلاعبه

انتبه عليه اباوعله دار وجهه ولا كانما شافني من يوم الي حجينا بالشقه ضل يتجاهلني ..

فزيت من صاح عليه... وين بالج يم عشاقج العشرة
تعصبت ورديت.. يا ن**العشره انت مو عيب هيج تحجي وياي ترى اروح ارجع لبيتي