درب القطاطعية(مكتملة)

1

🍷🎭 درب القـــــطـــــااطـــــعـــيــة🍷🎭

           ~البارت الاول (1)

•تدوين:khadija Akrouch

🥂بناات القرية فدرب القطاطعية 🍻

"وَأراكَ في ڪُّلِ بِقاعِ الارضِ ڪأَنَّما ، لا جُرمَ في فَلڪي يدورُ سِواكْ"

على غير العادة ....الناس  ففم بابها واقفة ،والضحكة على وجها
ظااهرة ، شي غادي شي جاي ، فرحانين بهاد السيمانة لي دوزوها هانيين لا صداع لا مشاكيل كلها واخد راحتو ،دراري فالزنقة لاعبين الكورة ...الهرج والضجيج والقهقهااات متعااالية بارتياااحية.. ،والعيالات الحتيت شادين ...جو شعبي بامتياز فالدرب الشعبي المعروووف
"درب القطااااطعية".

كانو منغامسين فشغالهم حتى
قاطع فرحتهم الصراااخ  العالي لي نزل عليهم بحال الصاعقة و مكانوش ضاربين ليه الحساب ،  حتى  رتاحو من صداعهم ومشاكليهم  ، من ضلمهم وطغيانهم ...من جبروتهم وحكامهم وتسللاطهم لي عاجبهم راسهم بيه

"دخلووووو لديوووووركككم.....ها هما رجعووو عاااود تاني"

الناس تلفات  ودرب ترون ،لي عندو شي دار كايقصدها ، ولي حاط شي حاجة على برا ناض دخلها ، دقيقة واحدة كانت كافية باش الدرب يخوااا ويرجع فحال شي درب مهجور ، جملة وحدة  قطعااااتهااا فيهم وخلات حس بنادم كولو يتقطع كأنهم ماشي هما لي عاد دبا كانو معمرين الزنقة  وراحتهم وااخدين .

"تفو هاهما رجعو عاود تاني ... عاد فرحنا حيت غبرو "

اخر جملة تقالت من عند احدى الجارات قبل ما ينطق واحد من الأشخاص لي هضرات عليهم

"تبارك الله تباااارك الله...واخدين ليا راحتكم هاه؟ كاتغربااااو؟! غير شفتو صحاب الحال سورتو علينا  هاد اليومين فرحليكم القلب؟ماخفتووش نسكتوووه ليكم".

سكت وكمل فبلاصتو الفردة.

"كنتو باغين تغرقونا يا ولاد الكلاب ...  ماعارفينش ريوسكم معامن؟!  صافي بدلتو الحرفة ورجعتو كلاب  الجوندااارم ونضتو تديكلاريو بالمبووق والمهلوووس  مافراسكمش رااا المخززززن ونقطعوووها فعدو ربه".

كملو هضرتهم وهما كيتمايلو ,مشيتهم مامقاداش منها تعرف نوعهم ، ألقاب  "الشمكارية...البزناااازة....الحبايسية....المشرملين"قليلين فحقهم....ولكن لقب" القطاااطعية" كاينصففففهم....جمع شمل گاع فعايلهم الشرااانية وخصايلهم الشيطااانية هادشي علاش تسمى دربهم

" بدرب القطاااطعية".
 
جوج  خوت....تواااام..المبوووق والمهلوووس، والفرق بيناتهم صغييير

مكضضررين ومعضضليينن ومشررطين...وبهاد المشرطين قصدت" ضاربين لحمهم"....أما الوشااام يكتسي اجسادهم
دفاتر الوسخ انضف وأنقى منهم  ، بالطولة كاينة الهيبة وبالعيون  اللي ديمااا ناعسسين ومعسسلين تعرفهم مقرقربييين ومبووقين ، ،ولكن هدشي ممغطيش على زينهم ،واخا مشرملين وفصحتهم لاعبييين ربي عاطيهم حقهم فالزييين...الزعورية واللحية مطراسية والبشرة حنطية والختارة فالمشية.