درب القطاطعية(مكتملة)

34

🎭درب القــــطـــــااطــــــعــــيــة🍷🛡️

~  تتمة البارت مئة و خمسة و ستون(165)

•بأنامل :khadija Akrouch

🥂بناات القرية فدرب القطاطعية 🎭🍷

_ وَأراكَ في ڪُّلِ بِقاعِ الارضِ ڪأَنَّما ، لا جُرمَ في فَلڪي يدورُ سواک

وصلو لضارهم ودخلو وهما ساكتين قطعين الحس تاوحدة مازعمات تسول لاخرى شنو كانت كدير فديك الضار وتاوحدة فيهم ماقادرة تهز العين فختها كي تفكر شنو وقع معاها فليلة البارح ..بقات ماريا وااقفة فالصالون وبهية تحركات لعند بيتها وهي حاطة ايديها على صدرها مغطياهم حيت خلات الحمالات عند المبوق ..وصلات عند الباب حطات ايديها على البواني وقبل ما ضورو وقفات كي سمعات سؤال ختها ...

ماريا: شنو كنتي كديري معاه؟!

بقات فبلصتها لمدة ثواني وهي عاطياها بالظهر كتفكر بشنو تجاوبها ولا شنو تگول ليها ..ضارت لعندها بالعرض البطئ مرجعة شعرها مورا وذنيها وبالثقال راافعة وجها حاطة عينيها فعينين ختها وبصوت منخاافص مجاوبها بسؤال طرحاتو عليها ...

بهية: ونتي !! شنو كنتي كديري تم؟!

رفعات حجبانها مخرجة عينيها فختها وفجوابها وبالطريقة باش نطقات كلامها ..بقات مسمرة فبلاصتها وهي باقا كتشوف فيها ونفس الحاجة مع بهية ماهبطاتش عينيها وبقات حاضية ختها وهي كتشوف فعينيها نظرة تعجب من الطريقة باش مجاوباها .. هبطات ماريا راسها وتحركات لبيتها دخلات وسدات عليها ضاربة بالباب مخلية بهية تقفز فبلاصتها من الصوت لي وصل لمساميعها ...كتحس براسها دارت شي ذنب مع ختها وولكن كان هداك هو الحل باش تفادا الاسئلة الكثيرة لي غتجيها من بعد داك سؤال ...دخلات لبيتها بدلات حوايجها ومشات لبلاصتها تكمل نعاسها كتحس بداتها مرخية وراسها ضاارها ...

كانت كتقلب فبلاصتها كتحاول تنعس وتنسى الليلة لي دوزات مع المهلووس فنفس البيت .. دازت ساعة ونص وهي على دااك الحال ..فاقت گالسة فبلاصتها سااهية وعقلها مشا بعيد كيخمم ..تفكرات الصور لي عندها فالتيلي والمعلومات لي فيهم .. ناضت بالزربة كتقلب عليه ..وقفات فبلاصتها حاطة ايديها على راسها كتفكر فين غيكون .. بدات كتسترجع احدااث البارح وهي تفكر اللحظة فاش كان المهلووس كيضرب فصفواان استغلات الوضع ومشات كتجري لدارها وبالضبط جيهة السرجم ديال بيتها حلاتو ولاحت فيه الصاك سدات السرجم وتأكدات بالي المهلووس ماشفهااش ومكانش منتاابه ليها شنو كدير ..مشات تحت سرجم كتقلب وهي تلقاه ...

ماريا: الله ياربي اش هاد العقل عندي تانا لحتو هنا ونسيت ...

هزات الصااك ومشات فوق السرير گلسات حلاتو وجبدات تيليفونها فتحاتو ومشات للصور كتقلب فالصور لي لتااقطاات ..

ماريا: اوا دبا نشوف شكون هو هاد الزعيم ؟ وشنو كدير ؟ وشنو علاقتو بالمستوني ؟!

مشات لاول صورة لي كان فيها غي العنوان دخلات للترجمة وشرحاتها لقاتها كتعني " المخدرات"