درب القطاطعية(مكتملة)

6

درب القـــــطـــــااطـــــعـــيــة🍷🎭

~ البارت السادس والعشرون (26)

•بأنامل :khadija Akrouch

🥂بناات القرية فدرب القطاطعية 🎭🍷

_ وَأراكَ في ڪُّلِ بِقاعِ الارضِ ڪأَنَّما ، لا جُرمَ في فَلڪي يدورُ سِواكْ !

حاولات تحكم  فراسها ومتبينش ليه مدى سعادتها بخدمتها لي لقات ..وحمدات الله فخاطرها على معلوماتها لي نفعوها هاد النهاار

ماريا: امتى نقدر نبدا.

المستوني: ممم غتبداي اليوم بالليل  وغتخدمي فالبااار

غي سمعات كلامو وبدات كطرح تساؤلاتها على راسها
غتخدم فالبار يعني بالليل؟؟ وختها شكون يبقا معاها وهي فدرب القطاطعية وعلى ابسط حاجة الخوف يتملكها وهما كل ليلة الروينة منوضينها والرعب فجيرانهم مركبين؟ وهي شكون يوصلها لداك الدرب لي القطاطعية كيعمرووه و بالليل الگانة كتجيهم علييه؟؟

فيقها من دوامة تساؤلاتها بسؤالو لي طرح عليها كيأكد ليها على  خدمتها

" خدمتك فالبار غتبداي مع 20:00 وغتسالي مع 2:00 المهمة ديالك سيرفور "

ركزات مع كلامو وفهمات المغزى منو كأنه كيحاربها بنفس اسلوبها ..تفكرات النهار كامل لي دوزات وهي كتقلب على خدمة ودبا ماعندها ما دير من غير انها توكل على الله وتقبل بيها ...

ماريا:موافقة

المستوني : اذن عطيني كارط ناسيونال دياالك ووهبطي للتحت بداي خدمتك وهما غادي يعطوك اللبسة ديااالك

دارت داكشي لي گال ليها وخطات خطاويها ولعند الباب غاديا ..حلاتو وقبل ما تخرج قالت ليه

"سميتك فلصقة مكتوبة وفجنب الرف محطوطة "

وخرجات من داك البيرو .. خلاتو متبع ليها العين وفهم  بلي من  نظرااتو فهمات سؤالو لي مزعمش عليها يطرحو ..كان باغي يكمل.. وعليها يطرح سؤالو الثاني وهو كيفاش عرفات الريسطو بالليل كيولي ملهى ليلي ..وكي تفكر نظراتها للبيرو ديالو والرف لي جنبو فهم بلي من محتواهم اسنتجات انه كيولي ملهى ليلي

سدات الباب وعلى الحيط تكات كتسترجع انفاسها وكتفكر فهادشي لي دارت هما دقائق قليلة لي دوزات فداك البيرو ولكن حسات بيهم ساعات ...كانت متحمسة انها تخذم ولكن ماشي فملهى ليلي وفهاد الوقت ...

يتبع🍷🥀درب القـــــطـــــااطـــــعـــيــة🍷🎭

~ البارت السابع  والعشرون (27 )

•بأنامل :khadija Akrouch

🥂بناات القرية فدرب القطاطعية 🎭🍷

_ وَأراكَ في ڪُّلِ بِقاعِ الارضِ ڪأَنَّما ، لا جُرمَ في فَلڪي يدورُ سِواكْ !