درب القـــــطـــــااطـــــعـــيــة🍷🎭
~البارت الحادي عشر (11)
•بأَنامِلْ:khadija Akrouch
🥂بناات القرية فدرب القطاطعية 🍻
"وَأراكَ في ڪُّلِ بِقاعِ الارضِ ڪأَنَّما ، لا جُرمَ في فَلڪي يدورُ سِواك"
بالزربة دخلات ختها وطرقااات الباب بساروت عند بالها تابعهم ...تكات على الباب كتسترجه انفاسها وكتقوي راسها ...اما ماريا بقات غي كتشوووف فيها وكتفكر الشجااعة لي نزلاات عليها ...وبابتسامة قالت ليها
"هاد القطااطعية عندهم حااجاات ايجابية ...خلاوك تشجعي ولعندهم تخرجي ... والهضرة قدامهم نطقتي وخا ماجاتش عينيك فعينيه ولكن كنحييك على الخطوة لي درتي "
طرطقات فيها عينيها كي سمعات كلامها ...عند راسها راه ختها كانت خاايفة منهم وهما بزز شادينها ...الدموع فعينيها تجمعو كي جا فبالها اللقطة لي ختها وسط القطاطعية وااقفة
" ياااك هدا هو خيري ...تشجعت وقويت راسي وخرجت لعندك ...جريتك من بين ايديه بلا ما نفكر ولا نتوقع شنو يقدر ايدير لينا ...عارفة راسي قدااامهم ضعيفة ولكن كاابرت وكبحت خوفي باش نتي ماتأدايش...ونتي دبا كضحكي عليا "
زادت خطوة لعندها معنقها والابتسامة على وجها ...كضحك على عقل ختها وعلى تصرفاتها العفوية ...بصح كي كانت بين ايديه الخوف تملكها وسيناريوهاات بزاف طاحو فبالها فاش گال ليها غتعاقبي على فعلتك ...ولكن من ناحية خرى فرحات لفعلتها ولطايش ختها ... لي خلاها تمالك خوفها وتخرج لعندها ...
"صافي الحمقة سكتي راني غي ضاحكة معاك ...ولكن مرة خرى ماتعاوديش وخا صحتي ضعيفة قدامهم ولكن بهضرتي قادة نخرج رااسي "
جراتها لبلاصتها ...يكملو نعااسهم وينساو هاد الليلة لي كانت غدوز طوويلة عليهم .
يتبع ...🥀🍂 درب القـــــطـــــااطـــــعـــيــة🍷🎭
~البارت الثاني عشر (12)
•بأَنامِلْ:khadija Akrouch
🥂بناات القرية فدرب القطاطعية 🍻
"وَأراكَ في ڪُّلِ بِقاعِ الارضِ ڪأَنَّما ، لا جُرمَ في فَلڪي يدورُ سِواك"
على صوت الساعة حلات عينيها ...والحماس ظاهر عليها ...وهادشي واضح من ابتسامتها العرييضة ...
بالخف جمعات بلاصتها وقدات حالتها بكسيوة صيفية جاتها مع فصالتها ...مشطات شعرها وهزات صاكها فيه لاكارط ديالها ووثائقها لي غتحتاج ...
خرجات تلقات مع ختها عااد فايقة ...شافتها بااقا بحوايج نعاس ماموجدااش رااسها ... خرجااات فيها عينيها قايلة ليها
بهية: سربي اختي راه غنتعطلو
ماريا : بااااقي الحاال يالله سبعة هادي ولا ناوية تشدي بلاصة العسااس
ماريا : صافي سيري وجدي راسك انا غنحط الفطور
أنت تقرأ
درب القطاطعية(مكتملة)
Romance🍷🎭#درب_الـــقــطــااطـعــيـة🍷🎭 ▪بنااات القرية...فدرب القطاطعية▪. تدوين: khadija Akrouch 🍂جوج خوت ملقبين بالموووت...! زوج قطاع الطرق🍷🥂 هوما جوج خوت قطاطعية منوضين الرعب فالدنياااا حاكمين الددرب وهو ددربهم وتسممى عليهم #درب_...
