درب القطاطعية(مكتملة)

30

🎭درب القــــطـــــااطــــــعــــيــة🍷🛡️

~ البارت مئة وستة واربعون(146)

•بأنامل :khadija Akrouch

🥂بناات القرية فدرب القطاطعية 🎭🍷

_ وَأراكَ في ڪُّلِ بِقاعِ الارضِ ڪأَنَّما ، لا جُرمَ في فَلڪي يدورُ سواک

حرك راسو للايجاب كيتمعن كلامها ..جاتو هاد الليلة فشكل وكتصرف على غير عاادتها ...

صفوان: ممم عجبك الجو !! وخا ..وشنو كديري اصلا هنا مخلية خدمتك وجيتي لهاد البلاصة!!؟

رفعات حجباانها بزوج وبدات كضور عينيها كتفكر فشي جواب مقنع لي تگولو ليه وتخرج رااسها بلا مايعيق بيها ...هزات فيه راسها بالزربة مجاوباااه وابتسااامة عريضة مرسومة على وجها ...

ماريا: ااه شنو كندير هنا .. فكرتيني الله افكرك فالشهادة ..انا ..انا جيت لهنا نقلب عليك نسولك واش تقدر تديني معاك الى بااقي معطل..ههه اه اه هادشي علاش انا هنا ..

بيطء هز راسو للايجاب ..وهو متيقن انها ماشي على طبيعتها وشي حاجة وااقعة ليها حيت ماموالفاااش ليها تشد معاه الجماعة ولا تقلب عليه باش يوصلها ..الله بغا يهضر يجاوبها وهي تسبقو مقااطعااه ..

ماريا: غنمشي دبا خليت ليك الراحة ..اه وتسناني باش توصلني ..

كملات هضرتها ابتسمت ليه وتحركات بسرعة من قدامو مخلياه متبع ليها العين تا تحركات من قدامو عاد كمل طريقو لفين باغي ..

بقات كتمشا وسط داك الملهى وعقلها خدااام كيفكر فالهضرة لي سمعااات وهادشي لي شاافت ...تساؤلات كتيرة طاحو فبالها والضجيج فعقلها خدام...شكون هاد الزعيم؟! واش هو شخص اخور ولا يمكن يكون شي حد من السربايا لي خدامين معاها؟!

طلعات راسها بالزربة كضور فعينيها كتسكاانيهم واحد بواحد.. حركات راسها يمين وشمال رافضة الفكرة لاخيرة ..كيبانو ليها كلهم دراوش وماشي ديال هادشي ..كيكملو سوايعهم وكيخرجو فحاالهم ...

هبطات راسها مكملة اسئلتها ...يمكن يكون صفوان ؟! ولا المستوني نيت؟! ولا شي واحد اخور وحااطهم هما فالواااجهة؟! واش صفواان خدمتو سرباااي نيت ولا غي بغا يغطي على خذمتو الاصلية؟! واش گاع الملاهي لي كاينة فهاد المدينة مخصصة لهادشي وتاابعة لنفس الشخص ؟! الى كان اه فالبوليس غيكونو كيقلبو عليه من مدة هاادي؟! وااش ريسطو ديال المستوني ؟! والا المستوني غي فالواجهة؟!..

علات راسها بالزربة وبقات مسمرة فبلاصتها من الفكرة لي طااحت فبالها والحل لي لقااات غادي يسلكها ويجااوبها على اسئلتها وخا ماشي كلها ولكن غي جزء منها ..ضربات جبهتها براحة ايديها  وهبطات راسها كتحركو  يمين وشمال كتحاول تقنع عقلها يتخلى على هاد الفكرة لي طاحت فبالها..