درب القطاطعية(مكتملة)

20

🎭درب القــــطـــــااطــــــعــــيــة🍷🍻

~ البارت السادس و  التسعون(96)

•بأنامل :khadija Akrouch

🥂بناات القرية فدرب القطاطعية 🎭🍷

_ وَأراكَ في ڪُّلِ بِقاعِ الارضِ ڪأَنَّما ، لا جُرمَ في فَلڪي يدورُ

تكات بالزربة جمعات الزاج لي بان ليها وهي متسابقة مع الوقت لايوصل و يوقف عليها ...وهي كتجمع الزاج جرحات ايديها من الوسط تا تقطر منهم الدم ...ماهتماااتش وكملاات دغيا داكشي لي بقا ليها  ..

تكا لعندها صفوان يعااونها جات عينو على ايديها لي الدم منها كيقطر ..شدها وعينيه مفتوحين على حدهم ...الخلعة فوجهو بااينة وبصوت مسموع نطق كلامو ليها ...

صفواان: ماالك؟! شوفي شنو وقع لايديك !! صااافي غي خلي دااكشي انا غنجمعووو ..

جبدات ايديها من وسط ايديه بلا ما تجاوبو ولا تلفت ليه جمعات الوقفة وتحركااات بالزربة من حداااه ...

بقات غادا تا وصلات البيت فين كتبدل دخلات لاحت زاج فالسطل لي حداها وخرجات للطواليط جات معزولة ..دخلات غسلات ايديها ومسحاتها ..هزات طرف اخور من الورق حطاتو على الجرح ورجعات للبيت فين كانت.. كتقلب على شي حاجة ديرها لايديها ..لقات طرف دالثوب قطعاتو ولواتو عليها عاد خرجات وهي رادة البال لايشوفها ..وصلات لجنب الحيط طلات بطرف عينيها بان ليها واااقف مع صفواان ..بقات متبعة حركاتهم وهما كيتحواارو ولي جاها عجب هو الوقفة ديال صفواان قدام المهلوووس ...

شافها مشاات وتحرك غاادي تاابعها تاحس بإيديه تشدات من المرفق ..ضار بالزربة مطلع حاجب ومهبط لاخور يشوف شكون هدا لي منعو من انه يلحق عليها  ...كي تلفت لقاااه هو قداامو وااقف ..حنا ليه راااسو كنوع من التحية وبقا تابت فبلاصتو كيتسنا فيه شنو بغاا...

من الاول كان متبع شنو طرا وخا الضو مظلم نوعا ما ولكن حدا البارمان الاضااءة باينة شوية ..شافها تادخلات فيه وطيحات الكيسان من ايديها ..شاف صفوان كيفاش تكا لعندها وكان مخلووع عليها ولكن الحاجة لي مشاافش هو وجها حيت كانت عاطياه بالظهر وتا من شعرها كاانت جاامعها ..بغا يوصل عليها يتأكد واش هي لي فبااالو ولكن مشاات قبل لا يوقف عليها ..لقا غي صفواان قداامو ومن معااملتو ليها غيكون كيعرفها ...
وقفو والبرود على ملامحو ...و بصوت هاادئ طرح عليه سؤالو ...

المهلووس: شكووون هااديك؟!

جاامع ايديه لعندو ومهبط راسو شوية ...دليل على الاحتراام ..كي سمع سؤالو طلع راسو فيه مجاوبو بنفس نبرة صوتو ..

صفوان :سربايا معانا ..

المهلووس:من امتى ونتوما كتخدمو بناات سرباايا؟ هممم ..!!

صفوان:السي المستوني لي خدمها يمكن طلباتو ولا قنعاتو بشي طريقة ...

كيحلل هضرتو فدمااغو وكيسمع لأجوبتو ...من ديما كيلقا سربايا دراري ولكن ماعمرو نتاابه ليها هي ...ولكن الاهم عندو دبا هو يتأكد منها ..