درب القطاطعية(مكتملة)

23

🎭درب القــــطـــــااطــــــعــــيــة🍷🛡️

~ البارت مئة و احدى عشر (111)

•بأنامل :khadija Akrouch

🥂بناات القرية فدرب القطاطعية 🎭🍷

_ وَأراكَ في ڪُّلِ بِقاعِ الارضِ ڪأَنَّما ، لا جُرمَ في فَلڪي يدورُ

زادت قاارنة حجباانها محركة راسها بمعنى "شنوووو" وكتسنااه يكمل كلاامو ويفهمها قصدو ...

من حركتها عرف بلي ما فهمااتش هضرتو وتاهو ما كملش كلامو وسؤالو جاها على غفلة  ..زاد قرب ليها ..وكل ما كيزيد لعندها كترجع خطوة للور  ..السطل فيديها واليد لاخرى شاادة بيها شطاابة ..بقاات رااجعة تا حبسها الزااج لي ضااير على داك الطااج ..بتااسم بجنب وزااد مقرب ليها محااصرها ..هي الوسط وايديه بزووج من جناابها ..شافتو هكاك وتفكراات فعلتو معاها الصباح ..بقات كترجع باللور تا لصقاات مع الزااج ..وزاد قرب ليها تابعداات رااسها ..الحيط قصييير حابس غي رجليها وظهرها خاارج من الحاافة ..قلبها كتحس بيه غيخرج من بلاصتو بسبب الوقفة لي وااقفاها ..كتشوف بطرف عينيها كتباان ليها المسافة بين التحت والطاج لي هي فيه طويييلة الى تكات مزاال غتطيح وتولي من عداااد الموتى  ...

المهلووس:غتگولي ليهم يبدلو ليك هاد اللباس ..غتلبسي قااميجة طويلة والشعر جمعيه ومانبغيكش ضحكي ولا تبتااسمي لشي حد ..

حبس كي شافها مامنتاابهااش ليه ومكتسمع تا كلمة من هضرتو ..عااطياه بالجنب وكتشوف لتحت كتنفس بصعوبة وصدرها طاالع ناازل بسبب الخلعة  ..جبد ايديه شاادها من دقنها مضور راسها فاتجاهو ..حط عينيه وسط عينيها مكمل كلامو ..

المهلووس: مانبغيش نشوفك غدا بنفس اللبسة ..مفهوووم ياك ..

حركات راسها بسرعة للايجاب ماسمعاات تا حرف من كلامو  بغاتو غي يتحرك يخليها دوز وتحرك من تم ..حيت كتشوف رااسها قرباات طيح ...

بعد عليها خلا ليها الطريق منين دووز ..بسرعة تحركات من حداه بلا ما تشوف فيه ولا ضور لعندو ..

نزلات داكشي وداازت غسلات وجها توگض راسها وتخلص من التوتر والخلعة لي ركبااتها ..بقاات كتصوط على وجها  وكتهضر مع نفسها كتحاول تقوي رااسها تا تكمل هاد الليلة ومااتبقااش توصل لداك الطااج ..

كي نزلات من حداها مشا گلس حدا خوه .. لقاه مرجع رااسو اللور ومغمض عينيه  طل عليه لقااه نااعس .. بدا كيحرك فيه بشوية تافاق قاافز ..

المهلووس: كنجيو للحُفِرة نعسو ولا نسهرو؟!

كيتكسل مرجع ايديه للور..سالا وبدا كيتفووه كيحس بعظاامو ترخاااو عليه كان ناوي يتكا تا لقا رااسو نعس ..

المبووق: گلت نتكا بينما طلع صفواان ولكن غلبني نعااس ..

المهلووس: ماشي صفوان لي غيجي ..