درب القطاطعية(مكتملة)

2

درب القـــــطـــــااطـــــعـــيــة🍷🎭

           ~البارت السادس  (6)

•بأَنامِلْ:khadija Akrouch

🥂بناات القرية فدرب القطاطعية 🍻

"وَأراكَ في ڪُّلِ بِقاعِ الارضِ ڪأَنَّما ، لا جُرمَ في فَلڪي يدورُ سِواكْ"

دخلو يستكشفو دارهم ...عجباتهم على قياسهم ...دار عاادية
وبسيطة...دخلو حوايجهم لي جابو معاهم ودوزو اتصال للراجل لي غيجيب ليهم باقي الاتات ديالهم ...

تعاونو على الدار جمعوها وقادوها...كي گلسو سمعو صوت الكلاكصون عرفو مول الشاحنة وصل ...عاونهم تا دخلو البگاج ديالهم  .. وناس من السراجم عليهم كطل حتى واحد ما زعم يخرج يعاونهم ولا حتى يرحب بيهم ،كتافاو يبقاو بعاد علييهم  ...وكلهم مراقبينهم و  ملاحظين الارتياح على وجهم ...والخوف خالي من ملامحهم ...عكس الجيران لي هازين ليهم الهم...ومشطوطين على قبلهم خافو لا القطاااطعية يخرجو ليهم...

خلصو الراجل وزاد فحالو ...وهما دخلو يكملو شغلهم ...ستفو داكشي لي باقي ليهم وخا الاتات بسييط الا انه عااطي جماليه  لدارهم ...

گلسو يرتاحو والصمت بينااتهم كيسترجعو انفااسهم من بعد الثعب دياااالهم ...كي تفكرات ملامح جيرانهم ...بلعات ريقها كتقوي نفسها باش تنطق كلامها لي كل مرة كتعاود نفسو عرفات ختها صبرها قليل والهضرة مكتعاودهاااش مرة وزوج ...

بهية: شفتيهم كيفاش كانو كيشوفو فينا , وحتى واحد فيهم ما قدر يخرج لعندنا ..وخا بعااد علينا ومن السراجم حاضيينا. ولكن القلق على وجهم واضح وباين ...،زعما خافو علينا ؟ ولا على ريوسهم من القطاطعية؟

تلفتات لعندها ..عينيها فعينين ختها ..طلقات تنهييدة وبالبرود نطقات حروفها

ماريا :ماجاتش عيني فيهم باش نعرف واش علينا ولا على ريوسهم راهم خاييفين ..ولكن ما على باليش بيهم ولا بالقطاطعية لي قااطعينها فيهم ...تيقارنا نشدوه وعليهم نبقاو بعااد ما يحديونا ما نقربو ليهم ...ماجيناش لهنا باش نحضيوهم ،ونشوفو مناش راهم مخلووعيين ...جينا على قبل قرايتك كي تساليها دربهم نخويوه ليهم ...نتمى كلامي تمعنيه وفيهم متفكريش ...

للايجاب حركات راسها كتواعد نفسها ما باقيش تسولها عليهم ..

بهية: فيا جوع من الصباح النعمة فكروشنا ما  طاحت
ماريا :زيدي قدامي نتقداو ما نطيبو ...

خرجو يقضيو غراضهم ... فبعضياتهم شادين ..لقاو الناس فبيبانهم لااصقين ..حاضيين جنابهم وعينيهم على راس درب لا يدخلو الخوووت ويحرموها عليهم

ماريا ايدها فالجيب وعينيها على الطريق ...اما بهية يدها فيد ختها شادة ،وغي كضور راسها ولي دازت من حداه تبتاسم ليه وهما كيرضوها عليها وكيرحبو بيها من بعييد ...