درب القطاطعية(مكتملة)

29

🎭درب القــــطـــــااطــــــعــــيــة🍷🛡️

~ البارت مئة و واحد واربعون(141)

•بأنامل :khadija Akrouch

🥂بناات القرية فدرب القطاطعية 🎭🍷

_ وَأراكَ في ڪُّلِ بِقاعِ الارضِ ڪأَنَّما ، لا جُرمَ في فَلڪي يدورُ سواک

تنهدات وضارت محركة تكمل خدمتها ..كتحاول تلهي رااسها وتنسا الهضرة لي سمعات وتا هاادشي لي شاافت ..ولكن خاطرها ما هنااتها والفضول لي فيها خلاها تبقااا عااسة على دوك السرباايا وتبقى غي حااضياااهم... جاوها تصرفااااتهم فشكل وشي حااجة كااينة بينااتهم ...عينيها غي كيضورو وهي كتشوفهم كيهضرو و من بعيد كيتغاامزو ..كلامهم عباارة على اشااااراااة بإيديهم وتا بعينيهم ولي جاها غريب انهم كيفهمو بعضيااتهم وخا المساافة بيناتهم بعيدة والبلايص ديالهم مفرقين ..كل واحد ولا زوج فقنط وااقفين ..وكل ما دااازت شي خمسة دقااايق كيبان ليها شي سرباااي تحرك كيتمشا فنفس الاتجااه لي مشا فيه السرباي لي كانت دخلات فيه ...

بدات كتحرك راسها يمين وشمال تعيا تبتت راسها وتگول هادشي عادي ..ولكن لقااتو مااشي عاادي وخصوصا فااش جات عينيها على صفواان وهو متكي بظهرو على الكونطواار ...مضيق عينيه وكيدير اشاااارة بصبع ايديه ...بقات متبعة حركاتو ولفين كيضور صبعو لقاات بلي هو لي كيعطيهم الاشاارة باش يتحركو ...و  كل خمسة دقايق كيغبر وااحد  وكيمشي فنفس الاتجااه ..طريق وحدة كيسلكووها كااملين ونفس البلاصة كيمشو ليها ..بقاو هكاك تا غبرو كاملين تقريبا من غير هادوك لي اصلا كانو خداامين معاها ..ضورات راسها على الملهى كاامل بان ليها العدد ديال السربايا قلال مقارنة مع الاول ...قلبات عينيها لفين كان صفوان وااقف ماالقااتوش ..حركات راسها شاافت  فداك الاتجااه فاش مشاو وهو يبان ليها تاهو تابعهم وهو اخر وااحد بقا تم بقا...

مشات بالجرا حطات الطبلة فوق الكونطواار وهي حااضية مع البارمان لايشوفها ولا ينتاابه ليها شي سرباااي ...بقات محركة تا قرباات لديك الطريق منين كيدوز وتقلات فخطااويها ..كتمشا وكضور عينيها يمين وشمال لايشوفها شي وااحد ..وصلات للطرف لقات غي واحد الباب والطريق تسداات ..كضور عينيها   كتقلب على الكماالة ديال الطريق ولكن كاانت محصوورة...شدات على رااسها وكتفكر فين غيكونو داازو ...كان يسحااب ليها غتلقا شي طواالة ولكن الطريق محدودة وقصيرة ..هزات راسها فداك الباب كتشووووف فيه ...وكتفكر نهار شافتو واحد المرة وسولات عليه قالو ليها بلي غي كيحطو فيه الكراطن الخااويين والطباالي المهرسيين واي حاجة مابغااوهااش كيحطوها تماك ...بقات مسمرة فبلاصتها وعينيها غي على داك الباب عوجات عنقها وبدات ابتساامتها كتوساع من الفكرة لي طااحت فبااالها .. هزات كتافها وتحركات وهي كتهضر مع رااسها ...

ماريا: اش غيوقع گاع ياك حاطين فيه غي الزبل ..

كملات هضرتها وحطات ايديها على البواني ..وببطء ضوراتو وهي متيقنة بلي كدبو عليها ودااك البيت فيه شي حاااجة ..ضورات البواني وحلاتو  كان مضلم دارت ايديها فالجيب جبدات تيليفونها شعلات الفلاش وضواااات عليه ...خرجات عينيها من داكشي لي شاافت وملامح الصدمة ترسمااات على وجها بسبب داكشي لي لقاااات فديك الغرفة