درب القطاطعية(مكتملة)

25

🎭درب القــــطـــــااطــــــعــــيــة🍷🛡️

~ البارت مئة و واحد وعشرون (121)

•بأنامل :khadija Akrouch

🥂بناات القرية فدرب القطاطعية 🎭🍷

_ وَأراكَ في ڪُّلِ بِقاعِ الارضِ ڪأَنَّما ، لا جُرمَ في فَلڪي يدورُ

داز لدوك زوج كانو كيتحركو فبلاصتهم وكيتسمع انين بسبب الالم والدوخة لي شااداهم ..زاد لعندهم كان واحد فيهم حاط ايد على راسو وايد مسرحها فالارض ..جا قدام ديك اليد هز رجليه تا الفوق وبقا كيضرب فيها ..كيهز رجليه وينزل عليه بحر جهدو ما بعد من حداه تا سمع شي صوت كيدل بلي ايديه تهرسااات ...

تحرك لعند لاخور كان مسرح ايديه بزوج فالارض حالهم وعينيه مسدودين ..دار معاه نفس الفعلة ..بقا كيضرب فإيديه تا تهرساات ليه ..سالا منهم و وقف حاضيهم العرق ناازل من جبهتو وصدرو طاالع ناازل ..صوت انفااسو كيتسمعو وهو كيستنشق الهوا بكمية كبيرة ..ضار لعندها وبقا مبعد منها مابغاااش يقرب ليها خاايف من ردة فعلها حيت كيحس برااسو هو السبب فهادشي لي وقع ليها ...

رخف قبضة ايديه وانفااسو تقاادو ..رخا ملامحو وعروقو لبلاصتهم رجعو ...رخف على فكو وزاد مقرب ليها بخطااوي ثقاال وهو كيسكاانيها ..حوايجها مليوحين حداها وفعقلو كيفكر شنو كان غادي يوقع ليها وكون تعطل شوية مزال ..مكملش فكرتو ضور راسو يمين وشمال كيحاول يخوي عقلو من هاد الافكاار ...حمد الله فخاطرو حيت وصل فالوقت المناااسب وقدر يعتقها من بين ايديهم ..

زاد حداها گلس القرفصااء قداامها ..جبد ايديه كانت كترعد عليه بغا يقربها يحطها على راسها ولكن كيحس بيها ثقيلة مابغااتش تزيد ..بقا كيتصاارع من نفسو وفالاخير حطها على شعرها بشوية باش تهز راسها وتشووف فيه...

كي طلقوها فالارض طاحت مهبطة راسها على ركابيها ومكمشة على ذاتها باش تخبي جسمها لي عراااوه ليها ...زادت كتبكي وفين ما دوزات شي حاجة خاايبة فحياتها تفكراتها ديك اللحظة كتحس برااسها وحييدة وماعندها حد فالدنيا لي تحط عليه الرااس ..تقهرات وتظلمات كتر من اللازم وخا عندها ختها بهية ولكن  هي برااسها معولة عليها ..زادت كتبكي وكتفكر ايامها القليلة لي عااشت مع ماماها وكتگول كون بقات حية مايوقعش ليها هاادشي كامل ومكانتش تجي لهاد المدينة وتخدم هاد الخدمة ومكانتش غتعيش فداك درب وتلقا مع القطاطعية ..وهما سبابها فهاد الحالة لي وقعاات ليها..زادت من بكاها وانينها لي كيبين مدى تعبها وقهرتها ...كتافها كيتهزو بسبب بكاها..حبسات كي حسات بإيد فوق راسها محطوطة يسحاب ليها غي هما لي جاو يكملو عليها ..

بدات كدفع وكضرب فيه بكل جهدها ..وغي كيحاول يشدها ولا يحط ايديه عليها كتزيد من غواتها ومن قوتها باش تبعدو عليها ..

ماريا: بعد ..بعععععععد مني مااتقربش ليا ..شنو بغيتوووو مني ..شنو درت ليكم انااا ...ماكفاااتكومش الدنيا وشنو دوزااات عليا زدتوني نتوما بفعلتكوووم ...بعدو مني ..ماتقربووش لياااا ...