درب القطاطعية(مكتملة)

19

🎭درب القــــطـــــااطــــــعــــيــة🍷🍻

~ البارت الواحد و  التسعون(91)

•بأنامل :khadija Akrouch

🥂بناات القرية فدرب القطاطعية 🎭🍷

_ وَأراكَ في ڪُّلِ بِقاعِ الارضِ ڪأَنَّما ، لا جُرمَ في فَلڪي يدورُ

هبط عينيه لفين كتشوف لقا تريكوه فاازگ بدموعها ..عظ على لساانو وشاف فيها مقرب لعندها ...هبط عينيه لعند شنايفها غمزها وجاوبها على اعتذاارها ..

المبوق: ماشي هكا كيعتااذرو النااس الشهبة ...

شافتو مقرب ليها ناضت وقفات بالزربة مبعدة عليه ولات حافظااه هو وفعاايلو ..ومن عينيه فهمااتو شنو باغي يدير .. بلا مايتسوقها شدها من ايديها رجعها تگلس ..زاد قرب ليها محااصرها مع الكرسي ما خلا ليها فين تحرك...ظهرو عريض مخبيها كلها وهي مكمشة وسط ذااتها ..بغات تهرب ولكن ماكاين منين دوز .. غمضات عينيها كي حساات بأنفااسو قرااب من وجها ..كل ما كيقرب ليها كتزيد تزير على عينيها وهي جاامعة شنايفها باش مايقربش ليها ...

نيفو قريب لطرف نيفها ..بقا كيتأملها وهي ساادة عينيها وزاامة على فمها .. خدودها حمرين وزغيبات من شعرها على جبهتها نازلين...بريئة ومن هضرتها عرف نيتها صاافية ...انساانة بسيطة كل همها تعيش حيااتها مهدنة وبعيدة على الصدااع.. واغلى انسان عندها هي ختها مااريا ...فهم انه مهما قرب منها وعطاها الحنان لي خصها ..كتبقى علاقتها مع ختها اهم ليها من كلشي ..خصو يلقا حل باش خوه يعرفها فين خدامة ومايبقاااش يتنااقش معاها ..حاافظ خووه ماشي ديال الثقة والى ماخرجها اليوم غيخرجها غدا ..وهو ..هو مايقدرش يبعد على بهية...

طوّل وهو قريب ليها كتحس غي بأنفاسو كيرتاطمو على وجها ..ببطئ حلات واحد العين .و بالثقاال حلات العين لاخرى وطلقاات شفايفها ..لقات وجهو مقاابل معاها ..باانت ابتسااامة عرييضة على فمو وقبل ما تفهم سببها سبقها وحط شفايفو فوق شفاايها ...خرجات انين خفيف من وسط حلقها ..حلات عينيها على وسعهم من الغفلة لي غفلها ..شنايفها وسط فمو مجموعين وهو مستمتع برطوبيتهم بسبب الدموع لي داازو عليهم ...الصهدة طلعاات معاها من طرف صبعها تال عند رااسها ...كتحس براسها مرفووعة ماشي اول مرة يغفلها ولكن فكل مرة كتحس انها اول قبلة ليها ...دارت ايديها على صدرو كدفع فيه كي شاافت الجردة بدات كتعمر بالناس ..حس بصباعها كينغروه وسط صدرو ..حل عينيه وببطء بعد عليها عينيه نايمين فيها وهو كيشوف اثر قبلتو ففمها بااينة..حط صبعو لكبير مااسح ليها ريق لي خلا ليها ..ابتااسم ليها تا تغمضو عينيه عاد بعد عليها مخلي البرد يدوز ليها ...

كحزات من حداه كتسوط على راسها كتحاول تخلص من الصهد لي حساات بيه ..اما هو عينيه عليها وفين گالسة ... تفطح فوق الكرسي ومسرح ايديه عليه ..مخليها تگلس فالقنط مبعدة عليه خاايفاه اعاود معاها نفس الفعلة.