درب القطاطعية(مكتملة)

10

🍻درب القــــطـــــااطــــــعــــيــة🍷✨

~ البارت  السادس و الاربعون (46)

•بأنامل :khadija Akrouch

🥂بناات القرية فدرب القطاطعية 🎭🍷

_ وَأراكَ في ڪُّلِ بِقاعِ الارضِ ڪأَنَّما ، لا جُرمَ في فَلڪي يدورُ

خدا طاكسي وتحرك للدرب ...كان خاوي بحال ديما دخل لقا خوه گالس كيتسنااه

المهلووس:على السلاامة ...كنتي كتسناني نجي نجيبك؟!

حك راسو دليل عل عدام رااحة ..عرف راسو تعطل وماشي من عوايديو خصوصا فاش كيبغي يبيع السلعة حيت الكلياان معروفين ..وحتى الوقت عندهم مضبووط نص سااعة كاافياه باش يبيع ..

المبووق: كان عندي واحد  الغرااض مشيت قضيتو

طول فيه الشووفة عااارف خوه وحاافظو ..والى كيكذب كتباان من عينيه ...مبااغش يحكر عليه ويزيد يسولو ..مخلي الوقت يبين ليه شنو مخبي علييه ...

المهلووس: وجد رااسك ...تعطلنا

بلا ما يزيد معاه حرك راسو  للايجاب ودخل يبدل حواايجو ...عشرة دقاايق وكانو وااجدين ..خرجو من ضاارهم وتحركو فالدرب غااديين وبحال كل مرة راحتهم وااخدينها ومكاين لي يمنعها عليهم ولا يعاارضهم عليها ...

من بعد ما خرج من عندها ...هزات شي صريف وخرجاات تقدا ...وقبل ما تزيد خطوة طلاات على درب وتأكدات بلي الخوت مكاينينيش فيه ضورات عينيها لجيهة ضاارهم بان ليها باب السرجم مسدود...تنفساات برااحة وكملااات خطااويها للحانوت لي فرااس الدرب ..تقداات دااكشي لي بغاات من فرمااج وكااشير وزبدة ..وزادت لحاانوت اخور تقداات من عندو الخضرة ...ولي لفت انتباه ديالها هو نظراات النااس ليها ...كأنها شي مجرمة ولا دايرة شي فضيحة ...بلا ما تسوق ليهم ولا تسول على سبب دوك النظاارات ...خداات المقدية ديااالها ورجعاات فحالها لدارها ..وجداات ليها فطورها ودوزات نهاارها غي فالداار ....

الستة وصلاات والحصص لي عندها سالاو ..خرجاات فحاالها من الجامعة وغادا محركة لدارهم ..كتمشا وكتلفت  لاربما يبان ليها فشي قنط كيتسنااها ..مكاانش فحتى بلاصة كيف ما توقعاات ما عجبهااش الحال والانزعااج بان على وجها..تفكرات تعاامل ديالو معاها وكيفاش دخلها تفطر ووصلها..ضمااات كتوبها لعندها...و بدا الحماس كيبان عليها والابتساامة غااادا وكتوسااع ..وكل ما كتفكرو كتحس بدقاات قلبها غااديين وكيتزاادو ...وبدات كتسأل مع نفسها شنو السبب لي يخليه يتعاامل معاها بديك الطريقة ؟ وعلاش وقتما فكراات فيه كتحس بدقاات قلبها كيرتاافعو؟؟!
حركاات راسها كتحاول تطرد افكاارها ..وصلات الطوبيس وركبات ..ومن بعد مدة وصلات للدرب ...وهاد المرة كتمشا وهي مرتاحة نوعا ما وخا كتحس بالتوتر ولكن الخوف مابينش فيهاا ...وصلات للدار لقات ختها خاارجة للخدمة تودعاات معاها ووصاتها ترد البال لرااسها ..