درب القطاطعية(مكتملة)

39

🧩درب القــــطـــــااطــــــعــــيــة🎭♟️

*البارت مئة وواحدوتسعون (191)

•بأنامل :khadija Akrouch

🥂بناات القرية فدرب القطاطعية 🎭🍷

_ وَأراكَ في ڪُّلِ بِقاعِ الارضِ ڪأَنَّما ، لا جُرمَ في فَلڪي يدورُ سواک

وصل الليل ودخل لبيت عامر فين انعس مخلي باهية تاخد راحتها فبيتو واصلا من الصباح وهي سادة عليها ...كيتگلب فبلاصتو وعقلو مع خووه يومين تقريبا ماشافو ولا هضر معاها ..هز تيليفون وصونا على النمرة لي كان صونا ليه بيها خوه ولكن كانت طافية ..صونا على صفوان والمستوني وشي رجال كيخدمو معاه ولكن والو يا إما ماكيشدش الخط ولا ماكيعطوه تا خبار..عاود صونا على نمرة صفوان ووالو نفس الشي ..بقا كيصوني كيصوني تاجاوبو ...

امير:الزعيم فين!؟

صفوان: من البارح تقطعات خبارو ماعرفناه فين مشا ولا فين داز ...

امير: كيفاش ماعرفتوش فين مشا ؟!علاش هو ماكانش معاكم ؟!

صفوان: كان معانا تا هربنا وامرنا باش نغبرو تايتاصل بينا

قطع الخط قبل ما يكمل ليه كلامو ...ضرب بيه كيحس براسو غيحماق ماعارف تاخبار على خوه وتاواحد ماعطاه شي جواب لي يريحو ...خرج من داك البيت وداز للمراح شعل تلفازة وهز جوان كيتكيف ..مفطح على السرير وعقلو غاايب ...

كانت ناعسة ولا كتداعي انها ناعسة .. سمعات صوت التلفازة وهي تفيق حلات الباب بشوية طلات تابان ليها امير وهي تمشي لعندو گلسات جنبو ..تنهدات وبشوية طرحات سؤالها ..

بهية: مالك ؟!

امير :خويا يوماين هادي ماهضرت معاه ولا سمعت خبارو...

بهية: فين كاين!؟

امير: هادشي لي معصبني خويا وثوام من الفوق وماعرفتوش فين كاين وماقادر ندير تاحاجة وماعارفش تا فين غنقلب ...

ضرها خاطرها كتشوف علاقتو مع خوه كيفاش دايرة غي يوماين ماشافوش وشوف ردة فعلو كي دايرة.. وهي ؟! هي لي تخلات على ختها لي رباتها وكبراتها وخلاتها تكون بحال البنات لاخرين وتعيشها حياة حسن من داكشي لي عاشت هي...بلعات الغصة لي فقلبها وتنهدات كتحاول تخفف على راسها وتكبح دموعها لي غينزلو ليها فأي لحظة .....

عند ماريا لي ناضت قافرة مبعدة عليه وقفات كتقلب على الساروت ديال الضو باش تشعلو ..شعلاتو ولقاتو واقف كيشوف فاتجاها ..عينيه حمرين نايمين وريحة الشراب عاطية منو كيتمايل وجاي مقرب لعندها ...بغات تهرب وهو يجرها ملصقها مع الحيط محاصرها ولاصق معاها متبتثها مامخليها فين تحرك..حط ايديه على شعرها كيتلمس فيه وعينيه على شفايفها وبصوت منخاافض كيتلعثم فهضرتو باش ينطقها ...