درب القطاطعية(مكتملة)

28

🎭درب القــــطـــــااطــــــعــــيــة🍷🛡️

~ البارت مئة و ستة  وثلاتون(136)

•بأنامل :khadija Akrouch

🥂بناات القرية فدرب القطاطعية 🎭🍷

_ وَأراكَ في ڪُّلِ بِقاعِ الارضِ ڪأَنَّما ، لا جُرمَ في فَلڪي يدورُ سواک

طلقهم وجاو فالارض طايحين ..متكيين على رف وبداو كيكحو كيحااولو يسترجعو انفااسهم ..بقا وااقف عند رااسهم وعينيه عليهم جابو ليه الاشمئزاز والقرف ..تفكر البلان لي دارت وحدة فيهم لماريا وكيفاش دفعااتها مكحزاها ومبعداها من حدااه وجات هي بلاصتها ..تحنا لعندها جالس القرفصاء ومقاابل مع وجها ..شدها من ذقنها مضورها لعندو تاجات عينيه فعينيها ..

ابتسم ليها ابتساامة غدر وعينيه باقي حمرين فيها ..كي شافتو بلعات ريقها بزز وبدات كتكحااز راجعة باللور خايفة منو ..حيت من ابتساامتو باينة بغا يكمل عليها ..

ضور وجهو لعند ايديها كانت حاطاها فالارض ..مد ايديو لعندها بشوية شاادها مقربها ليه وبلطف كيدوز من فوق منها وكيشوف فيها نظرة ممفهوماش ..كتحس بقلبها كيخرج من بلاصتو بسبب الخلعة لي ركبااتها عرفاتو بغا يدير ليها شي حاجة غي من حركااتو وشوفااتو ليها ..كتحس برااسها گالسة قدام بسيكووباط ماشي شخص عاادي ..حبساااات افكاارها وطلقااتها بصرخة تسمع صدااها وسط داك المحاال ...بدات كتغوت على حر جهدها بسبب الالم لي حساات بيه فإيديها ..هبطاات عينيها ولقات صبعها الصغيير مهرس وعظم الكعبة ماايل ...زادت خرجات عينيها من منظر ايديها عظم صبعها الصغير ماايل خارج على بلاصتو وايديها زرقة غادا لكحووليه ...هزات عينيها المدمعين فيه ولقاتو مبتااسم ليها نفس الابتسااامة لي بادلها فاول ما وقفات قدامو ...جمعها وزاد قرب لعنذ ودنيها بهمس محذرها ...

المهلووس: اخر مرة تقيسيها ولا تحطي ايديك عليها ...فيا ما يهرس ليك ايديك كااملة ولكن جيتيني ولية ومابغيتش نوسخ ايدي فوحدة مووسخة اصلا ..

كمل كلامو وناض جمع الوقفة بالزربة خرج من المحاال ..مخليها كتألم والدمووع مابغااوش يتحبسو ليها ..الالم غاادي وكيتزااد وصاحبتها حداها كتحاول تسكتها  وهي برااسها خااص لي يهدنها ..

خرج بالزربة كيقلب عليها ضور عينيه فالاتجاهات بزوج وهو يقشعها كتمشا ..ايديها فالجيب ومهبطة رااسها ..خطاويها صغار وكتاافها طايحين باينة فيها مهموومة...مشا بالجرا لعندها حط ايديه على مرفقها غفلها وجرها معااه غادي بيها لنفس المحاال ..شهقات كي تحطات ايديه عليها كانت سااهية ماعلى بالهاش تا كتحس براسها مجرورة ...بغات تهضر ولكن فضلات تبقا سااكتة وتبعو تشوف شنو بغا يصنع ...

مسافة قليلة ولقات راسها حدا باب المحاال وااقفة ..تلفتات ليه وعلامة تساؤل على ملامحها ..كتعجب علاش رجعها تاني لهنا ...من منظرها فهم شنو بغات تقول سبقها نطق كلامو ..