درب القطاطعية(مكتملة)

16

🎭درب القــــطـــــااطــــــعــــيــة🍷🍻

~ البارت السادس و لسبعون (76)

•بأنامل :khadija Akrouch

🥂بناات القرية فدرب القطاطعية 🎭🍷

_ وَأراكَ في ڪُّلِ بِقاعِ الارضِ ڪأَنَّما ، لا جُرمَ في فَلڪي يدورُ

كمل كلامو رافع راسو وراجع للور و حدا الشهبة وااقف ...عينيه عليها كيتسنااها تفيق ويطمأن على حاالتها ...

بعد عليها و تحركات الممرضة دير خدمتها قداام عينيه ..قاست حرارتها وعطاتها حقنة تهبطها ليها ...علقات ليها السيرو  وخلاتها ...خرجات عاد رجعاات فيها النفس ولخدمتها مشات ..

حط ايديه على جبهتها شاف حرارتها نقصاات ..تنفس وعلامة الراحة على ملامحو ظااهرة ...توجه للسرير لي حداها وتكا مقااابل معاها وهو كيسكاانيها من رااسها لرجليها ..حبس عنذ شعرها ولي بقا عاااقل عليه من الليلة لي خرجات لعندهم ختها ...لقطااتو معاها كااملين داازو قداك عينيه ..ابتساامتو باانت على وجهو من الطريقة لي دخلات بيها لحيااتو وكيفاااش ولات مركز اهتمااامو ...تفكر فاش لقاها وسط بيتها مليوحة مامعاها حد وغي بوحدها فالدار ..كيفاش عتقها وخرجها وقلبو كان غيسكت من الفكرة لي طاحت فبالو بلي غتموت وسط ايديه ...حبس تفكيرو فاش تفكر اللحظة لي عيطاات ليه بأسمو ..تقاد فالجلسة وكيتسأل كيفااش عرفاتو وهو نهار سولاتو مابغاش ايقول ليها؟!! جاه الفظول يسولها دبا ولكن حالتها ماكتسمحش ليها تجاوبو...تفكر ختها غتكون مشطوونة عليها ولكن نمرتها مكاايناش وتيليفون بهية ماهزوش ..دوز الرقم لخوه يطلبو يجيبها لعند بهية ...

كان المهلووس ناعس ولا بالاحرى كيدعي انه نااعس باش انساها ...حل عينيه بسبب الصوت لي وصل لوذنيه ..هز تيلي لقاه خوه ..دوز لخط حطو على وذنيه كيتسنى خوه يفسر ليه علاش غابر ...

بلع ريقو عارف خوه الى سااكت شنو سبابو ..مادواش كيتسنااه هو يفهمو ..

المبوق: خويا انا فاللكلينيك

كي سمعو ناض وقف  والخلعة على خوه  ركبااتو ...وبسرعة ناطق حروف كلماتو ..

المهلوس: شنو وقع ليك ؟! واش نت بيخير ؟! علاش تال دبا عاد علمتيني؟!

المبووق: تكالما الساط ماشي انا

حك على قرفاادتو من الهضرة لي غاادي يخرج والطلب لي بغا يگول ليه ..بلع ريقو وببنبرة ترجي نااطق كلامو ..

المبوق : سمعني ومتقاطعنيش ... بهية هي لي فالكلينيك لقيتها طايحة مغيبة ماحداها حد ...هزيتها وللطبيب جبتها ودبا حرارتها هبطاات ..بغيت نعلم ختها ولكن نمرتها وحتى سميتها ماعرفتهاش...بغيت نطلبك تمشي تجيبها غتكون محروقة على ختها كي تخلعتي عليا نت ..انا غنصيفط ليك العنوان دبا ...