درب القطاطعية(مكتملة)

37

🎭درب القــــطـــــااطــــــعــــيــة🍷🛡️

*البارت مئة و واحد  ثمانون(181)

•بأنامل :khadija Akrouch

🥂بناات القرية فدرب القطاطعية 🎭🍷

_ وَأراكَ في ڪُّلِ بِقاعِ الارضِ ڪأَنَّما ، لا جُرمَ في فَلڪي يدورُ سواک

تحركات لعند الباب وحلاتو لقات البوليس ومعاهم نفس الضابط لي مشات لعندو ..خرجات عندو سدات الباب باش مايشوفش الروينة لي لداخل ...وقفات قدامو مربعة ايديها وكتسناه يگول شنو عندو...

" مالك واش بيك شي حاجة؟!"

ماريا: تقدر تگول ليا علاش جيتي لعندي ...

تقاد فالوقفة داير ايديه فالجيب ..ميل فيها راسو كيشوف حالتها ماشي تال الهيه ..عينيها وارمين وباينة فيها حالة البكا ..كتاافها طاايحين وغي كتنهد ..تجرأ ومد ايديه حطها على جبهتها كيقيس درجة حرارتها ...مع حطها بعدات بالزربة مخرجة عينيها فيه وعلامة استفهام على وجها ..بلعات ريقها وبصوت ضعيف طرحات سؤالها ...

ماريا: مجاوبتنيش علاش جيتي وشنو بغيتي!؟

"كنت بغيت نسولك شي اسئلة ولكن كتبان ليا حالتك ماشي  هي هااديك  ..من بعد ونرجع نسول ..دبا نوصيك بحاجة وحدة كاين احتمال يجي لعندك شي حد نتي دبا فخطر ..ردي البال لراسك وفحالة شكيت فشي حد ولا وقعات شي حاجة تاصلي بيا وغنكون عندك"

جبد كارط فيها نمرتو وحطها ليها فإيديها دار ليها اشارة براسو وتحرك للطموبيل خاارج من الدرب ..بقات واقفة فبلاصتها تا غبر من قدامها وتحركات لضارها وقبل ما تدخل ضورات راسها جيهة ضار لخوت..بقات واقفة كتفكر فختها هي دبا  غتكون نااعسة ..ناعسة فدار ماشي ديالها وعند ناس مابينها وبينهم والو حتى من كلمة جيران بزاف عليهم...ختها ناعسة بعيدة عليها وهي لي من صغرها ماعمرها تفرقااات عليها ...حسات بعينيها غرغرو مسحات الدمعة قبل ما تنزل تنهدات مهبطة رااسها ودخلات ..سدات الباب وتكات عليه هاازة رااسها للمسا وكتحس بالخنقة ..تاحاجة مامقادة فحياتها ..كتحس بالفرااغ وباالوحدة ...مضيوومة وغصة واحلة فحلقها كتحس بحجرة محطوطة فوق قلبها ومقادراااش تنفس ...گلسات للارض وعطات الاذن لعينيها يهبطو دموعها لي كتحسهم كيخففو عليها ..كتبكي بكل جهدها وشهقااتها كيتسمعو وسط ديك الدار لي ولات كتبان بحال الى مهجووورة ..كتبكي وگاع الحوايج الخايبين دازو قداام عينيها ..ماعمرهاا رتااحت ولا فرحات فحياتها ...ايامها الخايبين كتر من اياامها الزوينين ..الدنيا ظلماتها ومزاال كتمرمد فيهااا ...تكرفصات بيما فيه الكفااية لا صحة لا نفسية ...بقات كتبكي تا مابقاوش بغاو ينزلو ليها الدموع .. ناضت جارا رجليها لبيتها دخلات وتلاحت فبلاصتها ناعسة على كرشها ..تفكرات لكارط ودارت ايديها فالجيب جبداتها كتشوف فيها تاداها نعاااس بسبب العيا والبكا لي بكاات .