درب القطاطعية(مكتملة)

26

🎭درب القــــطـــــااطــــــعــــيــة🍷🛡️

~ البارت مئة وستة وعشرون(126)

•بأنامل :khadija Akrouch

🥂بناات القرية فدرب القطاطعية 🎭🍷

_ وَأراكَ في ڪُّلِ بِقاعِ الارضِ ڪأَنَّما ، لا جُرمَ في فَلڪي يدورُ سواک

لاح ليه كلامو وقلب خطاويه للكوزينة غادي محرك يوجد ليه الفطوور وهو فطريقو كيضحك بخفة على فعلت خووه ..

ضار لعندها بالزربة لقاها رجعات اللور مكمشة فذااتها خايفة منو حيت من منظر وجهو باينة مغاديش يدوز ليها فعلتها بخير ..وحتى هي حسات  براسها تصرفات بغبااء قدام المبووق حيت هي لي كاينة فبيتو ماشي هو لي جا عندها ..شافتو مقرب لجهتها مخنزر فيها لصقات مع الحيط جامعة ايديها لعند وجها كتحاول تخبا ومتشوفش فيه ..بدات كتمتم بكلامها كتحاول تهدنو باعتذاارها منو ...

ماريا:مـ ..مقصدت واالو بغيت غي نگوليه صباح الخيير ..

تبسم بجنب بسبب الفقصة لي ركبااات فيه والغبااء ديالها لي غاادي يخرج عليهم بزووج ..عاارف خووه مزياان وحاافظ فعاايلو غيبقا كل مرة يجبد ليه هاد الفعلة..تحنا بجسمو تال عندها مقرب لعند وذنيها متعمد ينطق كلامو بهمس باش تمعنو وتفهمو مزياان ..

المهلوووس: شنو باغا توصلي ليه؟! الفكرة لي كنت واااااخد عليك بغا تأكديها لييه...

عرفاتو لاش كيمعني وشنو بغا يوصل ليها ..دفعاتو وتخطااتو لعند الباب كتمشا ...ضااغطة على يديها وكتحس بغصة فقلبها بسبب هضرتو ..حلات الباب وخرجات بلا ما تسدو دازت من الصالون وهو نفسو فاش گالس المبووق كيفطر ..شافها كتشما بالزربة وكتشوف غي قداامها ضااغطة على ايديها ..فهم بلي خووه دار ليها شي حااجة ..وسع ابتساامتو وبصوت مرتاافع نطق كلاامو ...

المبووق: اجي غي تفطري بعدا ... النعاااس و نعستيه عندنا...بقا غي الفطور  وماتفطرييش حشوووومة وحنا كرماااااء ...و اجي ...

دارت بحال الى ماسمعتوووس وكملات خطااويها بلا ماتلفت لعندو ولا تشوووف فيه ..حلات الباب وخرجاات ضربات بيه تاكان غيتگلع من بلاصتو وتمشاات مكملة لضاارها ..خلات المبووق كيضحك على تصرفها وعرف راسو بلي استفزها بهضرتو وهو كان ناوي غي يضحك معااها ..وصلات دارها وبداات كدق بالجهد على ختها تحل عليها ...

كانت گالسة فبلاصتها كتكسل وكتجبد فإيديها باش توكض وتسوس عظاامها ..قفزااات كي سمعااات دقاان بالجهد فالباب ...الخلعة تسللات لقلبها وهي كتسأل شكون غيصبح عليهم بهاد الدقاان وفهاد الوقت ..ناضت بشوية عليها كتمشا وقلبها كتحس بيه من بلاصتو غيخرج كل ما كيزيد الدقان ..خطااويها كيتقااالو وكتحس بالفشلة حكماااتها ..وصلات عند الباب ويديها كترعد عليها ..حطاتها على البواااني والافكار السلبية فدمااغها كيتكبو وهي كتسأل شكون غيكون جاي على الصباااح ..جمعات انفاااسها وحلات الباب بشوية ...