درب القطاطعية(مكتملة)

24

🎭درب القــــطـــــااطــــــعــــيــة🍷🛡️

~ البارت مئة و ستة عشر (116)

•بأنامل :khadija Akrouch

🥂بناات القرية فدرب القطاطعية 🎭🍷

_ وَأراكَ في ڪُّلِ بِقاعِ الارضِ ڪأَنَّما ، لا جُرمَ في فَلڪي يدورُ

نزل عند البارمان سولو على شنو گالت ليه وجوابو بلي جات كتقلب على صفوان...حرك راسو للايجاب وخرج فحاالو وهو كيتسأل شنو علاقتها بصفوان وشنو بغااات منو ..وكي تفكر الليلة لي شافها فالدرب  واقفة مع الوحدة دالليل ومعاها شي واحد بالموطور بدا كيفهم علاش وگال بلي بغاتو يوصلها...معجبتوش علاقتها مع صفواان كيشوفو هو الوحيد لي قريب ليها من بين السربايا كااملين ...تفكر الليلة لي شافها صدفة كيفاش خاف عليها من الزاج لا يجرحها...جمع يديه لعند راسو كيحك شعرو من قرفاادتو كيحاول يتمالك اعصاابو ...ويوهم نفسو بلي مكيهموش امرها ...وصل عند الباب وخرج كيضور رااسو كيقلب عليها...قشعها من بعيد كتمشا بشوية عليها وكتعرج بواحد الرجل ..لايحة القب على راسها ومن مشيتها كتبان مزيرة وخايفة من الظلمة ...

من بعد ما خرجات قلبات ولكن مالقات حتى طااكسي حيت تعطلاات وزگلات الوقيتة ديال طاكسيات ..دارت القب على راسها وبدات كتمشا بشوية عليها ..كتمشا بشوية عليها رادة البال مع رجليها لا تعگر فيها وغادا مكملة طريقها ..كانت الطريق مظلمة من غير بعد البلايص لي فيهم البولات وضوهم قليل  ..

كتمشا وغي كتوصل شي بلاصة مضلمة كتكمش على جسمها  وكتحاول تسرع من خطاويها باش توصل للبلاصة المضوية ..كتحس بالطريق طواالت والحال مظلم كتر من اللازم ..كتمشا وكتدعي على المهلووس فخاطرها حيت بسببابو هي فهاااد الحاالة ..وتمنااات كون كاان صفوااان معاها دبا كون وصلها وريحات رجليها ...

بدات كتحس بالخوف حيت البلاصة لي وصلات ليها مافيهااش الضو ..كاينين البوطويااات ولكن البولات مسوووطيين ..قلبها كيضرب بالجهد بسبب الخلعة وكتحس بيه من بلاصتو غيخرج .. بدات كدندن فخاطرها بأغنية كانت كتغنيها ليها ماماها من صغرها ووقتما خاافت من شي حاجة ولا تحطات فشي موقف بحال هكا كتبدا تغنيها كتحس بيهت كتخفف عليها وتواااسيها تا تخلص من الخلعة لي حااكماها .. كتغني ووقتما سمعات صوت شي كلب ولا شي حاجة كتقفز فبلاصتها وترفع من صوت الدندااانة ديالها  ...

كان وراها كيتمشا ..داير ايديه فالجيب وحااضيها لا تغبر من قداامو حيت ماشي گاع البلاايص مضوويين ووخا كاين الضو ولكن خافت بصعوبة باش كتبان ليه ..فضل يخلي المساافة بينااتهم بعيدة باش يشوف الشجااعة ديالها وواش تقدر تمشي بوحدها ...وكل ما كيسمع صوت شي كلب كيسمع صراخها وهي كدندن ..جابت ليه الضحكة بصوتها المرعوود ومشيتها العررجة ...ولكن لي معااونو ان طريق وحدة لي كتوصل للدرب هو حافظها وتا هي غتكون حاافظاها داكشي باش مخلي المساافة بينااتهم كبييرة .