درب القطاطعية(مكتملة)

4

درب القـــــطـــــااطـــــعـــيــة🍷🎭

~ البارت السادس عشر (16)

•بأنامل :khadija Akrouch

🥂بناات القرية فدرب القطاطعية 🎭🍷

_ وَأراكَ في ڪُّلِ بِقاعِ الارضِ ڪأَنَّما ، لا جُرمَ في فَلڪي يدورُ سِواكْ !

كي حلات الباب ضورات عينيها على المكاان ...كان بيرو كبير منظم بطريقة كلاسيكية غالب عليه اللون الرماادي   ...و مزين بلوحات فنية عندها تاااريخ ...وفالوسط كان مكتب مجهز بديكورات و وفوق منو ملفاات ...ولي اثر انتباه ديالها هو  الرف الكبير المجهز بالخموور بمختلف انواعها.. بداو الاحتمالات كيطيحو فبالها واش هدا ريسطو نيت كيف ما گالو ليها ولا غي كدبو عليها

كانت نظرتها كاافية باش تفهم بلي صاحب المكتب مولووع بالخمور وباللوحات ...تقدمات لعندو وقفات وراه هو لي كان عاطيها بالظهر اهتمامو مع القنينات كيرتب فيهم...

ماريا:السلام عليكم ...سمعت بلي حليتو هاد ريسطو جديد وخاصينكم سربايا

لعندها تلفت بالعرض البطئ كان راجل اربعيني ...ولكن باقين حروف الزين فوجهو ظاهرين ...وخا فيه علامات الشيب الا وانهم زايدينو جمالية ...قارن حجبانو و  كيتسأل امتى قال بلي خاصو سربايا للريسطو

"امتى حطيت اعلان كنقول فيه خصني سربايا"

بقا حاضيها مطول الشوفة فيها كيتسأل كيفاش بنت فحالها بغات تخدم عندو سربايا...وهي من ملامحها باينة ماشي بنت المدينة ...
حط القرعة من ايديه وتقدم لعندها بخطى بطئية كيتسمع غي صوت خطاويه فداك المكتب ...هي عقلها خدام وكتفكر فالكدبة لي عليها باانت...و الى معرفات كيفاش تجاوب غتكون فقدات فرصتها فهاد الخدمة....
رفعات عينيها فيه وبثقة خرجات حروف كلامها

"ولكن انا ماقلتش بلي شفت اعلان"

زاد بخطاويه واقف عند راسها كان طويل عليها ببعض سنتميترات ...

"لي صيفطك لعندي ضحك عليك ...السربايا لي هنا كلهم دازو من تيست عادا تقبلو ...خصكي تعرفي ماشي اانا لي كنخدم لي كان ...نتي لي خصك تقنعني انك تستاهلي الخدمة عندي.. من بعد ما تنجحي فالتيست لي غدوزي "

يتبع🥀🥂درب القـــــطـــــااطـــــعـــيــة🍷🎭

~ البارت السابع عشر  (17)

•بأنامل :khadija Akrouch

🥂بناات القرية فدرب القطاطعية 🎭🍷

_ وَأراكَ في ڪُّلِ بِقاعِ الارضِ ڪأَنَّما ، لا جُرمَ في فَلڪي يدورُ سِواكْ !

على الطاابلة ضايرين ...حسهم مقطوووع كيتسمع غي صوت الطروفة  كيتحطوو ...كانو وسط ديبو مجموعين ... الظلام فالمكان طااغي من غير بولة صغيرة فوق ريوسهم معلقة مضوية على الطروفة ...الانظار عليهم وهما كيحسبو العدد ديالهم باش فالاخر يتحاسبو على خلاصهم ...