درب القطاطعية(مكتملة)

32

🎭درب القــــطـــــااطــــــعــــيــة🍷🛡️

~ البارت مئة و ستة وخمسون (156)

•بأنامل :khadija Akrouch

🥂بناات القرية فدرب القطاطعية 🎭🍷

_ وَأراكَ في ڪُّلِ بِقاعِ الارضِ ڪأَنَّما ، لا جُرمَ في فَلڪي يدورُ سواک

المبوق: ماشي دبا غي سكتي تال من بعد ونديرو لولاد ...

كل ماكيذكر ليها لولاد كتزيد فبكااها وفصوت شهقااتها ...تاكتبغي تسكت ويجبد ليها كلمات لولاد وتبدا تفكر فالسيناريو قدام عينيها... زاد معنقها مزير عليها كيطبطب على ظهرها ..هز راسو للفوق كيسوط النفس وكيحاول يخفف على راسو ويتحكم فأعصابو ..بدا كيسب فخاطرو باش مايصدقش قايل ليها شي حاجة ...

"الله ياربي ومشطبة كحلة هادي تاني ..تفو اش  داني لشي ولاد انا هما لي بقاو ليا ..تا انا خضر ما نعرف نهضر مانعرف نحزر دروك تموت ليا هنا "

كمل هضرتو مع راسو وزاد كيمسح على شعرها باش يهدنها ويطمأنها ويخليها تسكت وتقطع حسها ..قرب لعند وذنيها وبصوت حنين كيحاول يسكتها ...

المبووق: صاافي ابهية الله ارضي عليك دبا غي سكتي ...

صوت بكاها نقص كيتسمع غي صوت تنخسيسة ..دموعها مسحاتهم فترييكوه حيت مزير عليها وملصقها مع صدرو ..سكتات قااطعة الحس كيبانو غي كتافها كيتهزو وبنبرة بااكية گالت ليه كلامها ...

بهية: اول مرة تگول سميتي !!!

المبوق: من هضرتي كااملة هدشي لي شديتي !!!...

بعدها عليه وابتسااامة خفيفة على وجهو ..حاط صباعو على وجها كيمسح دموعها لي بقاو غااديين مع خدودها ..كمل وبعد من حداها مخليها متمسح داكشي لي بقا  ..هبط عينيه للتيشورت ديالو لقاه فازگ دار ايديه فسخو وبقا عريااان من الفوق وجا گلس حداها .

كانت كتمسح دموعها حسات بيه فاش گلس حداها طلعات فيه راسها وهي تخرج عينيها كي شافتو عاريان گالس مقاابل معاها .. صدرو قداامها و كرشو مطرااسية وهادشي كيبين بلي مهلي فصحتو وخدام عليها ...الوشااام مزيينو ومامخلي تابلاصة نقية فلحمو ..صدرو كيبان عرييض بزااف وهو عريان عكس فاش كيكون لابس لحوايج ..حطات ايديها على عينيها مخبياهم باش متشوفوش ..هي وحشمااات بلاصتو وهو گالس حداها عادي ...هبط راسو لصدرو وعاود هز عينيه فيها ..قرب شاد فإيديها معري ليها عينيها ومخليها تشوف صدرو عرياان ..

المبوق: غي خليهم يالله ليك فين تبداي تولفي ..اصلا غتشوفي لحمي كامل غي هو غيكون بطريقة تدريجية ..ليوم صدري ..نهار اخور تشوفني لابس شورط ..ونبقاو هكاك تا يجي نهار لي تشوفي فيه مولاي سلطان ...

الحمورية طلعات مع وجها كااامل خدودها تزنگو وعينيها للارض هبطااتهم مقدراتش تشوف فيعينيه ولليدين باش تغطيهم راه شاادهم ليها ...من كترت ما حشمااات وتزيرات بانو قطيرات ديال العرق فجبهتها وايديها سخنو عليها ...لسانها باش تهضر تبلع ليها وتا الكلمات باش غتنطق مشاو ليها ومعرفاات اصلا شنو تگول ولا باش تجاوبو .