درب القطاطعية(مكتملة)

36

درب القــــطـــــااطــــــعــــيــة🍷🛡️

*البارت مئة و ستةوسبعون (176)

•بأنامل :khadija Akrouch

🥂بناات القرية فدرب القطاطعية 🎭🍷

_ وَأراكَ في ڪُّلِ بِقاعِ الارضِ ڪأَنَّما ، لا جُرمَ في فَلڪي يدورُ سواک

گالسة وسط ضاارها المرونة وكتبكي ماخلات تاحاجة مقاادة گاع داكشي لي لقات قدامها هرسااااتو ..بقات متكية وكتحس براسها بغا تزيد تبكي لاعلى وعسى تفرغ الحزن لي كتحس بيه وترتاااح نوعا ما ..

وهي وسط بكاها تحطاات ايد على رااسها ...هزات راسها ببطء حيت ضرها بسبب كترة البكا ..علات راسها وحيدات الزغب لي على وجها ...تقابلو عينيهم ولحظة صمت بينااتهم كتشوف وهي مامتيقاااش بلي گالس قدامها ...بدات كضور راسها يمين وشمال وهي كتنفي صورتو لي شافت قداامها ..مايمكنش يكون هو هذا يمكن غي كتحلم ولا كتخاايل ..

ماريا: مـ..مايمكنش تكون نت ..غي ..غي كـ ..كنحلم ..

ملامحو بااردة وابتسااامة غريبة على وجهو عينيه فعينيها كيشوف فيها بطريقة غير عاادية ...ايديه فوق شعرها كيسرحو بإيديه وبنبرة برود مجاوبها على كلامها ..

المهلووس: لا مكتحلميش انا هذا ...

كتبلع ريقها لي مكاينش ودقات قلبها رتااافعو الخلعة ركباتها والخوف تملكها...طاحت بين ايديه وبدات كتخاايل نهايتها كيفاش غتكون واش من طريقة غيستعمل باش يتهنا منها...كي شافتو وقف قدامها بدات رااجعة باللور وهي گالسة ..حبسات كي لقات الحيط وراها محااصرها ..بتااسم ابتسااامة عريضة شيطاانية وتكا بالزربة حااط ايديه على عنقها موقفها وهو مزير عليها ...وفلحضتها ملامح وجهو تبدلو ولملاح خوف تحولو ..عروق عينيه باينين بسبب الحمورية لي طااغية عليهم ..ضاغط على فكو وعروق ايدو بارزين ..مزير على عنقها ومخرج كلامو بين سناانو ...

المهلووس: كنتي عايشة بيخير تاسخن عليك مخك ونضتي كتهبشي ...ماقرب ليك حد ما اذااك حد ولكن نتي لي فيك ماهناااك ...شنو ندير ليك دبا شنووو....ضيعتي لينا خدمة عااام ...گلتي مع راسك هادو دراري صغار نوض نلعب معاااهم خسرتي لينا كلشي ..دبا واش نقتلك انا ولا نخليهم هما لي يقتلووك همم؟!

ماقداش تدوي ولا تدافع على راسها واصلا ماعندها باش تبرر فعلتها ..تبعات فكرتها وتصورها لي قال ليها بلي غيقتلوها الى عرفات بلي هبشات وراهم ..كون غي بقات ساكتة ولا مشات عاودات ليه كان غيكون حسن من انها تبلغ بيه ..حسها تقطع الدموع ناازلين من عينيها لي تسدو ..النفس تقطع فيها ومابقااش عندها الجهد لي يزيد يتحمل ...طلق منها جات طايحة فالارض سخفاانة وانين خاافت خاارج من فمها ...شاف حالتها ومشا للكوزينة عمر بانيو كبير بالماء وجا خواه عليها تاقفزاات فبلاصتها حالة عينيها كتشوف وهي مافاهمة واالو ..گلس القرفصااء شدها من شعرها وهز راسها تاتقاابل معاها وبنفس الابتسااامة الشيطاانية ناطق كلامو ...