درب القطاطعية(مكتملة)

17

🎭درب القــــطـــــااطــــــعــــيــة🍷🍻

~ البارت الواحد والثمانون(81)

•بأنامل :khadija Akrouch

🥂بناات القرية فدرب القطاطعية 🎭🍷

_ وَأراكَ في ڪُّلِ بِقاعِ الارضِ ڪأَنَّما ، لا جُرمَ في فَلڪي يدورُ

كي خرجات تحرك لعندها جابدها لعندو معنقها ..دازت ثواني وبعد عليها حاط ايديه بزوج على خدودها وهي عينيها مهبطاهم مقاداش تطول فيه الشوفة ..قري لعندها طابع قبلة على جبينها وبعد عليها كيسكاانيها وهي خدودها حمارو ليها ..تفكر فاش نطقات سميتو وفضولو دفعو يسولها ..

المبوق: باش عرفتي سميتي امير ؟!

طلعات فيه راسها وبقات ساهية فعينيه مفكرة للحظة لي كان هازها فيها وسط الدرب جاي بيها للكلينيك ...ابتاسماات مني تفكرات نهار لي كالها هي لي خصها تميزهم ..وفعلا قدرات تميز بيناتهم ماشي من منظرهم ولا تلقا الفرق بين شكلهم ولكن استعملات قلبها والاحساس لي كتحس بيه وهي وااقفة وااحداه وحتى التعاامل ديالهم معااها مختااالف تماما ... رجعات ذاكرتها للور للنهار لي عرفاات فيه سميااتهم ..

#فلاش_بااك

كانت ناعسة وسط احلامها غاارقة ..فيقها الجوع حيت باتت بلا عشا ..بقات كتكسل فبلاصتها عينيها مسدودين وكتفكر واش تنوض تاكل ولا تكمل على نعاسها ..ولكن الجوع قضا عليها ..ناضت جارة رجليها طلات على الساعة لقاتها 1:30 دالليل ..دازت على بيت ختها بان ليها البااب مردود والضو مشعوول ..تحركات لعندها تشوف مالها باقا فايقة وخا عرفاتها غتكون يالله جات من الخدمة ..وصلات للباب وقبل ما تحلو شافتها كتحرك ايديها ولكن كتهضر بشوية مع راسها مكتسمعهاش شنو كتنطق من فمها ..

ماريا: ممم يعني القطااطعية ملقبين بالمهلووس والمبووق ..ولكن  اسمائهم الحقيقة امير وعاامر .. ولكن شكون فيهم المهلووس وشكون المبووق ؟!

بقات غادا جايا كتمشا فداك البيت حاطة يد على جنبها ويد على جبهتها كتفكر فأسمائهم وكتقاارن بين اوصاافهم المتطابقة ..تفكرات نهار المطاايفة والبلان لي وقع ليها معاهم فاش عيطاات على واحد فيهم بسميتو والحالة لي دار ليها  ...وقفات تابتة فبلاصتها وابتساامة على وجها من الاستنتااج لي توصلات ليه .. رفعات صوتها مكملة كلامها ..

" ماشي مهم شكوون هو المهلووس وشكون المبووق..الاهم ان عاامر طبعو قااسح  وايديه سابقاه ..اما امير كتبان فيه نوعا ما حنين ولكن محكم فمشااعرو وكيخدم عقلو قبل ايديه "

ابتسماات بهية من الهضرة الاخيرة لي سمعات من ختها ..وخا الهضرة الاولى ما وصلاتش لمسامعها ولكن قدرات تعرف اسماء الخوت ..وقدرات تعرف الفرق بيناتهم وخا غي من طبعهم .. عينيها مغمضين بسبب النعاس لي غلب عليها ..بانت ابتساامة خفيفة.على وجها وبنبرة خااافتة نطقاات سميتو ..