درب القطاطعية(مكتملة)

27

🎭درب القــــطـــــااطــــــعــــيــة🍷🛡️

~ البارت مئة و واحد وثلاتون(131)

•بأنامل :khadija Akrouch

🥂بناات القرية فدرب القطاطعية 🎭🍷

_ وَأراكَ في ڪُّلِ بِقاعِ الارضِ ڪأَنَّما ، لا جُرمَ في فَلڪي يدورُ سواک

كملات كلامها مع رااسها وخرجات تشري لختها كاادو وخا باقي ليه شي ياامات ولكن فضلات توجدو ليها على تيسااع.

كي سالا المهلووس تدواشو رجع لبيتو بدل حوايجو..لبس سروال دجينز اسود وبودي تاهو اسود ..لاح عليه قبية گرية خلاها مفتوحة ..لبس سبريلة فالنوااغ ..رش بارفانو المفضل وركب سااعتو وخرج من ضاارو.

كان كيتمشا وكل ما كيقرب كيقاارن حجباانو ..كان غيبدا يتسأل شكون هادي لي وااخدة راحتها فدربو تا دقق فيها الشوفة وشاف شعرها عاد عرفها هي شكوون ..وشكون اصلا لي كيتمشا بحرية فالدرب من غيرها هي ..زاد طول خطااويه باش يوصل ليها ..قرب لعندها تاولات المسافة لي كتفصل بيناتهم قصيرة ..بدا كيسكااني فيها ..غادي طاالع مع رجليها تا حبس عينيه عند مؤخرتها ..وخا القبية طويلة ولكن فالعرض موااسعااش بزاف ..حركة مؤخرتها بااينة وزيد عليها الظفيرة لي كضرب فيهي وكتماايل معاها فكل خطوة كتخطيها ..بلع ريقو كي حس برااسو طول فيها الشووفة ..وبدا كيفكر فردة فعل ناس لاخرين مني يشوفوها ..كيحس برااسو معجبوش الحال من الفكرة بوحدها ..زاد طول خطوتو تاولا قريب ليها جبد ايديه شدها من مرفقها جارها لعندو تاتقابلات معااه .

كانت كتمشا وفرحانة حيت غتشرب لختها كادو ..من ديما كتشرب ليها كدوات ولكن هاد المرة شي حاجة سبيسيال حيت غتشري ليها من فلوسها ..غادا ماعلى بالها بحتى شي حد كتحس براسها تجرات ..خرجات عينيها وكي تلفتات لقاتو هو تنهداات وكتلعن زهرها لي كل مرة كيلاقيها بيه.

وقف كيشوف فيها وكيفكر منين يبدا هضرتو ..ناسي هضرة خووه وناسي نقااشو معااه ..نسا تصارفااتو وفعايلو لي حلف مابقاش يعااود نفسهم معاها...

المهلووس: فين غادا بهاد الحاالة ؟!

ماريا: كيفاااش ؟! شمن حاالة؟!

حك شعرو ماعجبوش الحال حس برااسو مكلخ فهاد اللحظة ..بغا ينسيها وبدل هضرتو معاها..

المهلووس: سجلي نمرتي عندك تفااديا لشي مشكيل  بحال البارح... غي لمصلاحتك اما انا ماغنستافد والو ..

رفعات حجبانها وبدات كطلع وتنزل فيه بشوفة نااقصة .. جاتها هضرتو فشكل وشي حااجة وااقعة ..يالله بغات تجاوبو وهي تسمع شي توشويش ..تلفتاا وهي تلقا الجيراان كيطلو .. يالله بغات تهضر وهو يسبقها المهلوووس بصوت مرتاافع نطق كلامو باش يسمعووه ...

المهووس:  وااا شوووفو فيااا كانفرق الشريحة انا ...فاش كانعطيو نمرة لدرري ولا لشي عشيير حد ماكايتسوق لك ..فاش كانعطيوها  لبنت ع كلشي كايشوووفنا ..