درب القطاطعية(مكتملة)

31

🎭درب القــــطـــــااطــــــعــــيــة🍷🛡️

~ البارت مئة وواحد خمسون (151)

•بأنامل :khadija Akrouch

🥂بناات القرية فدرب القطاطعية 🎭🍷

_ وَأراكَ في ڪُّلِ بِقاعِ الارضِ ڪأَنَّما ، لا جُرمَ في فَلڪي يدورُ سواک

وقف بالموطور قدام رجليه حيد الكاسك على وجهو وكي جات عينو فعينيه بلع ريقو ودقق الشوفة فملامحو ...عروق جبينو وااقفين وقبضة ايديه مزير عليها ..وخا ماعرفش شنو السبب ولكن المنظر ديالو لا يبشر بخير ...

نزلات والضحة على وجها مرسومة وهي كتفكر التصاااور لي فتليفونها ..كتحس بالحماااس وبغات غي امتى دخل تكتااشف شنو دااكشي لي فيهم ..نزلات وحيدات الكاصك بلا ماتنتااابه ليه ولا تشوفو .. بغات تحرك تودع صفوان وهي توقف فبلاصتها ورجليها فالارض تسمرو ..عينيها حاطاااهم فعينيه وهي كتسأل على سبب حالتو وسبب هاد العصبية لي بااااينة على وجهو ..بلعات ريقها راجعة خطوة للور مخبية فظهر صفواان كي شافتو جاي مقرب ليها وعينيه مصغرهم فيها ..الحمورية فيهم طاااغية وعروقهم تخلطو ...صدرو طاالع ناازل وصوت انفاسو كتسمع من مسافة بعيدة ..كلما كيقرب كتزيد تخبا مور ظهر صفوان وهو براسو الخلعة حكماااتو كي شافو جاي لجهتو ...

وقف قدامهم مد ايديه شدها من كول تجاكيطها جرها لعندو بالجهالة تا ضرباات فيه ..بعدها منو بالزربة وقفها جنبو وبلا ما ينتاابهو ليه هز ايديه تال الفوق ونزل على صفوان للوجه جابو طاايح فوق موطورو..

الدقة دوخاتو كان متيقن انه غيفرغ فيه ولاو جزء من العصب لي ظااهر عليه ...حط ايديه على نيفو لقا الدم ناازل منو مسحو بظهر ايديه وكيحاول يوقف على رجليه ...عاود غفلو شدو من كول تريكوه ..وقفو تا تقااابل معاه ونزل عليه بكروشي اخوور للراس ..بقا شاد فيه وضربو براسو تا طاح الارض ...گلس ليه على كرشو وبقا كينزل عليه دقة مور دقة رد حالتو كلو دمايات ..عينيه ورمااات.. والكدماات فوجهو دغيا بااانت ..دار ايديه تحت قرفاااادتو هز ليه راسو قابل وجهو مع وجه صفوان ..غزز على سنانو وبصوت منخااافض لاح ليه كلامو بنبرة تهديد ...

المهلوووس: كنت شاااك بلي نت لي وصلتيها الليلة الفايتة ..ولكن مابغيتش ندير فيك شرع ايدي ..عارفك مزيااان وحاافظك داكشي علاش مابغيتش نظلمك ..عاارفني شنو كنسوا وعاارف فعاايلي هادشي لي شفتي دبا غي تهديد ..
عاارف بلاصتك فين كاينة متخلينيش نقصك من الحساب ...نخسرك وتخسر حياااتك

عينيه مسدودين بسبب العصا لي كلا الدوخة لي حاكمااه ..لسانو ثقيل عليه وحتى الجهد باش يجابو مكااينش ..سمع تهديدو وعاارفو شنو بغااا يوصل ليه ...عاارفو قيمتو وشااايف فعاايلو العنيفة والشرسة ...حل عينيه وعاود سدهم وبثقااال كيحرك راسو للايجاب كيأكد ليه كلامو ...