درب القطاطعية(مكتملة)

15

🎭درب القــــطـــــااطــــــعــــيــة🍷🍻

~ البارت الواحد و  السبعون (71)

•بأنامل :khadija Akrouch

🥂بناات القرية فدرب القطاطعية 🎭🍷

_ وَأراكَ في ڪُّلِ بِقاعِ الارضِ ڪأَنَّما ، لا جُرمَ في فَلڪي يدورُ

تملكها الخوف من نبرة صوتو المرتفعة ومن منظرو لي كيبين مدى عصاابيتو ...كان كينهج بسبب غواتو وصدرو طاالع ناازل ..طلق منها شااد فرااسو كيحس بيه كيزدح وعروقو كيضربو بالجهد ...سد على عينيه ومزير على رااسو الحريق غادي وكيتزااد عليه ...

كي طلق منها تكمشاات فدااتها ..وكتفكر فهاد الموصيبة لي طااحت على رااسها ..هو من جهة وختها من جهة ...خلاتها كتموت بوحدها وجات لهاد الحفلة ..ندماااات وتمناات كون غي رفضااات كلام ختها وبقاات معاها ...ياخد عليها نضرة خايبة بسبب الوقت ماشي بحاال يشوفها بهاد الحالة لبااس معري ونص فصدرها بااين ...مؤخرتها مزيرة عليها والكسوة مطرااسية جسمها ...هبطات راسها وفلحظتها جات ختها فباالها ...الرعدة حكمااتها ...والضجيج كتحس بيه وسط دمااغها ..واش تفسر ليه ودخلو للريسطو تشرح ؟! ولا تخليه وتمشي عند ختها ؟! ختها لي بين الحياة والموت ..ختها لي خلاتها مريضة وجات الحفلة ...حسات بنغصة فقلبها والنفس ضااقت عليها كي تفكراات فعلتها مع ختها ...خرجات نفس وتسمعات التنخسيسة مجهدة ...تخطااتو وداازت كتجري لعند بهية ...لقات الطااكسي واااقف ركبات فيها وطلباتو يتحرك ويزيد فالسرعة باش توصل دغيا ...مخرجة رااسها من السرجم وكتحااول تستنشق اكبر كمية من الهواااء ...كتحس براسها تخنقااات وقلبها تزيير عليها كأن حجرة فوق منو محطووطة...

كي سمع صوت تنخسيسة لي خرجاات منها ...صوتها كان مجهد كيبين بلي النفس تحبسااات فيها ..هز راسو بسرعة مخرج عينيه ...لقااها مشاات وبلاصتها خااوية ...عند باالو هرباات منو مابغااتش تشرح ليه ...غفلاتو ومشات باش ما تفسرش ليه ...زادت فكرتو تأكداااات ليه بلي هي "عااهرة" وداكشي لي خلاها تغبر من حداه بلا ماتشرح ليه ولا تفهمو ...

قلب خطااويه بسرعة غاادي تبعها ...ولكن مالقااش طااكسي ...ضرب برجليه على هاد الزهر لي عندو وهو كيفكر فالحالة لي مشااات بيها ..لهاد الدرجة مرخصة رااسها؟! ماعاطيااهش قيمة؟! ما كلفات نفسها تعطيه وقت وتشرح ليه؟! ...عينيه زاادو حماارو وزير على قبضة يدو عصبااتو وزادت كملات عليه الطاكسي لي ماكيناااش ....دازت 10دقايق ..وهو يقشع طااكسي من بعيد جايا ...مشا كيجري ليها ..وقف قدام الطاكسي تا تحبس الفراان على جهدو ...رجع للباب لوراني نزل ناس لي رااكبين فيها وهو يركب بلاصتهم ...

كان نااعس فبيتو ولا بالاحرى كيداعي انه نااعس ...عقلو مشوش وخاطرو ما مهنياااهش ..كانت هي كل همو وتفكيرو ...خلاها مريضة بين الحياة والموت وهو گالس فداارو مهني ...ناض وقف وكيحس براسو فااشل ماقدر يدير والو ...فكرة تگوليه يمشي لعندها ويطل عليها يطمن على حالتها ويهني خاطرو من جيهتها ...وفكرة خرى تگوليه يگلس فالدار ويتفرج من بعيد يدعي الله ويتسنا تا يشوفها كي غاتولي ... مابغاش يزيد يأزم الوضع مع خوه وختها ..بقا غادي جاي فداك البيت ..كيحس بتوتر وقلبو مزير ..طرطق صبااع ايديه بسبب الخلعة لي جاتو على غفلة ..حك على رااسو كيحاول يخفف من الستريس لي فيه ...ولكن خاطرو ماهنااتو ..ماحس براسو تا حل باب بيتو وداز بسرعة كيجري لعندها ...دقيقة وحدة وهو حدا بابها كيدق عليها بالجهد ..وما من مجيب ...كيحط وذنيه على الباب كيسمع غي الهدؤ ...قلبو زاد تزير عليه...بدا كيدق وجهدو تضااعف ...كيضرب فالباب برجليه ويعيط بسميتها