درب القطاطعية(مكتملة)

33

🎭درب القــــطـــــااطــــــعــــيــة🍷🛡️

~ البارت مئة و  وااحد ستون(161)

•بأنامل :khadija Akrouch

🥂بناات القرية فدرب القطاطعية 🎭🍷

_ وَأراكَ في ڪُّلِ بِقاعِ الارضِ ڪأَنَّما ، لا جُرمَ في فَلڪي يدورُ سواک

بقات مضاربة مع الباب باش تحلو ومابغاااش كان مقفول ضرباتو برجليها وضارت عندى مقندشة ..هازة حجباانها ومزيرة على يديها بسبب الفقصة ...صغرات فيه عينيها لقاتو واقف مربع ايديه وحاضيهت ..شبه ابتسااامة فوجهو وهو كيشوف فيها ..طلق ايديه زاد مقرب ليها وصل عندها وشدها من نرفق ايديها جارها معااه...هو يجرها وهي كتحاول تفك من بين ايديه ...غفلها ورجع حاط ايديه تحت رجليها هازها وصل لسرير وحطها فيه مغطيها ..جا فوق منها گالس مرفق رجليها وحاط الغطا عليها مغطيها وحابسها من الحركة ...بقات مخرجة عينيها فيه كتستوعب الحركة لي دار ليها بغات تحرك ايديها ولكن مخشيين تحت الغطا ومزير عليها ...

المهلووس:غتباااتي هنا مشا الحال مكاين فين تمشي وختك غتكون نااعسة غادي تخلعيها .. واش تبغيها تخلع مسكينة؟!لا ..ادا بقاااي هنا تال صباح وسيري فحالك ...

كمل كلامو وطبع قبلة خفيفة فوق شفايفها وتحرك نازل مبعد منها مخليها مخرجة عينيها من الحركة لي دااار معاها والتصرف لي كيتصرف معاااها ...مرة يغوت عليها يضربها ويتعصب عليها ..مرة حنين معاها وخاايف عليها .. بشوية بدات كتبتاااسم كتحس بدقااات قلبها تزادو ودوباامين ارتاافع ..كتحس بالحمااس واحساس زوين كيدغدغها فقلبها بغان تغوت تعبر على حمااسها ولكن البلاصة لي هي فيها ماكتسمحش ليها .

فرش فالارض وطفا الضو مخلي السرجم محلول وضو القمرة مزيين الغرفة ديالو ..ايديه تحت راسو مسرح على ظهرو وعينيه فالصقف كيشوفو ...وكانت هي محور تفكيرو كيحس براسو معاها فرحاان وكينسا رااسو ولكن فبعض الاحيان تصرفاتو معاها كتكون قااسية بلا مايقصد كيصدق ضاربها ولا قااجها لي متأكد منو انه شي نهار نهايتها على ايديه الى بقاات غاديا فقسوحية راسها وهضرتو نااسية ...تنهد كي بدا كيفكر فسبب هاد الاحساس لي كيحس بيه وهو قريب ليها ..كيحاول يلقا بزااف دالمبررات من غير انه يعتاارف بلي كيبغيها ..بغا ينسى هاد الفكرة ولجأ الحل الوحيد لي كيعرف وهو يستفزها ...

المهلووس: فاش جيتي لهنا كنتي ناوية تخدمي بالليل يا سربايا يا عااهرة مهم تكون بالليل؟!

ماريا: نعااام؟!

المهلوس: ماديريش راسك مكلخة السؤال وااضح ..علاش ماتقلبي على خدمة بنهار ...

ماريا: وعلاش اسي عاامر ما تطوع وتلقا ليا شي خدمة بنهار ..علاش نهار فاش جيت سكنت هنا ماجيتيش تسولني واش خصاني شي خدمة؟!واش كاين لي يصرف عليا؟واش كاين لي يخلص ليا الكرا؟!..ولا كتعرف غي طلق السم من فمك وتبان عليا!!!...