درب القطاطعية(مكتملة)

18

🎭درب القــــطـــــااطــــــعــــيــة🍷🍻

~ البارت السادس والثمانون (86)

•بأنامل :khadija Akrouch

🥂بناات القرية فدرب القطاطعية 🎭🍷

_ وَأراكَ في ڪُّلِ بِقاعِ الارضِ ڪأَنَّما ، لا جُرمَ في فَلڪي يدورُ

دوزات ساعة تقريبا وهي وسط الكوزينة كطيب وتقاد غداها ..حطاتو فوق الطبلة مع الشلايض لي قدات تأكدات ان كلشي هو هداك ..ضارت خارجة مع الكوزينة تفيق ختها لقاتها عند العتبة وااقفة وعينيها على الطبلة ..ابتسااامتها وسعااات كي شفت الحوت فالوسط محطوط ..مشات بجرا عنقات ختها وشكرااتها ..بادلاتها ماريا العتاق وطبطباات على ظهرها عاارفة بهية كتعشق الحووت ومن شحاال هدا ما بقاات كلاتو ..

گلسااتها وقطعات ليها الخبز وبداو كيكاكلو والضحكة على وجهم بااينة ..بهية انساانة بسيطة شوية دالاهتماام يفرحها ...

عند الخوت لي دوزو نهارهم كاامل وهما فالدار فوق السرير مفطحيين وعقلهم خداام ...كل واحد وفاش كيفكر  وكل وااحد فيهم كيدرس الافكاار لي فدمااغو طااحو ..وصل وقت الغدا كلاو غي حااجة خفيفة يسدو بيها الجووع ..وكملو العشية فالدار ...

وصل الليل وبالضبط 1:00 وهو الوقت فاش كتوصل ماريا للدرب ..خرج لحدا بابو گاالس وعينيه على بابها مقاابل معاااه كيتسنااها تباان ليه كان متيقن انها من دااك النوع لي  مكيتخلااش على ديك الخدمة ..وكيف ما خلات ختها مريضة نهار الاول ومشات بديك الحالة غاتعاود ديرها مرة خرى ...

دازت 40 دقيقة ومجاااتش ..حسها مقطووع وطيفها غاابر ..بقا كيتسأل فين تعطلات ؟!وعلااش تعطلاات؟! كيحس بالضجيج وسط دمااغو بسبب الافكاار لي طااحو فباالو ...راس يگول ليه سير للدار وشوف واش كاينة ولا فخدمتها باقا معطلة؟! وراس گاليه يمكن تردعاات ودارت بكلامو كي حذرها يعااود يشووفها وسط الدرب وااخدة رااحتها ..استسلم للفكرة الاخيرة وهو كيحس بنوع من الرضى حيت لكلامو سمعااات وعلى ديك الخدمة تخلاات ...دخل للدار وتحرك لبيتو تلاح فوق سريرو ناعس ومرة مرة كتبان ليه صورتها وسط عينيه وسميتها وسط وذنيه كتردد .

دازت ديك تلات ايااام عااادية ..ماريا وختها دوزوها مع بعضيااتهم زادو تقربو كتر ودوزو وقت كتر وهما بزوج..حيت من نهار بدات ماريا الخدمة مابقات تجمعااات مع ختها ولا گلساات معاها .

نفس الشي عند الخووت حسهم مقطووع و3  كااملة دوزوها غي  فالدااار بلا ما يخرجو للدرب ولا يطلو على ناااسو ...تلث ياام كلها وهما غاابرين وحسهم مقطووع ماخرجووش من الدرب ولا عتبو بااب داارهم ..كاين لي جاتو عجب وكاين لي جاه هدشي عاادي حيت كل عاام فنفس الوقت كيغبرو تلت ياام فحاال هكا ...من غير المبووق لي مرة مرة يصوني على بهية يسول فيها ..وخا معرفاتتش فين لقا نمرتها ولكن فرحاات نوعا ما حيت سول عليها .