سُكَّر أسمر| أمان.

- وجهة نظر!

نزلت دا في الجروب وهنزله هنا للضرورة:

فتاة بعد منتصف الليل وصلت يا حارة!

بس فضولي مخليني محتاجة أسأل سؤال!

بعد ما سُكَّر أسمر خلصت، ناس كتير الحمدلله حبت النهاية، وحبوا الرواية كلها ع بعضها.

وجزء تاني حب الرواية، ولكن وصلوا للنهاية وكله عايز يشوف فرح أمان وسُهيل وتفاصيل اللي حصل بعد كدا وكل الكلام دا، ومعنديش اعتراض عادي، لأني مقتنعة إن في حاجات بنكون عايزينها تحصل في اللي بنقراه وبنشوفه عشان يكمل رضانا عن الحاجة دي، ودا من حق كل شخص، ولكن...

من وجهة نظري، أنا شايفة إني كفيت ووفيت كل حاجة محتاجة تظهر وتتوضح تمامًا في الرواية، والنهاية رضياني جدًا حقيقي، التفاصيل الباقية من جواز وفرح والشركة وكل دا، أنا وضحتها بشكل ميخليهاش حشو على الفاضي، عشان لو جبت تفاصيل الحاجات دي ودخلت فيها أوي هيكون زي ما أكون بعيد وبزيد في الحاجات، مع إني عادي أكتبها وأزود بيها فصول، والدنيا هتبقا حلوة، ولكن برضو شايفة إنها ملهاش لازمة لأني وضحت إنها هتحصل، وللقراء حرية التخيل في الطريقة اللي هتحصل بيها.

وتاني نقطة، إني قولت هنزل جزء تاني لسُكَّر أسمر ولكن مش دلوقت، فدا مخلاش يجي في بالكم للحظة إني التفاصيل اللي بتفكروا فيها دي ممكن تكون في الجزء التاني؟ طب والله جايز اه، وجايز لا!

بس معرفش ليه محدش افترض الحوار دا، وأخيرًا وليس آخرًا تقعدوا بالعافية يا ولاد *بصوت أبو حفيظة😂💙*

واللي عنده وجهة نظر وحابب يقولها، كلي آذان مصغية.

ومعلومة مهمة على الماشي:
اسمها كلي آذان مصغية وليست صاغية، لأنها أتت من الفعل الرباعي أصغى، وعند تحويله لصيغة اسم الفاعل، سنقلب ياء مضارعه إلى ميم مضمومة، وكسر ما قبل آخره... وبلا بلا بلا 😂

وروحوا اقروا عصابة لكن ظرفاء، نزلت الفصل التاني كمان دلوقت😂💙.