🗡🥀#رِيْبَة_جُورِي🥀🗡
▪️لَا تُصَدَّقْ... وَ لَا تَثِقْ...
دَعْ الشَّكَّ يُصَاحِبُكَ وَ الرِّيبَةَ تُرَافِقُكَ حَتَّى يَأْتِيَكَ "الْيَقِينُ"...️▪️
▫️يقولو انو الشك هو بداية الحقيقة ... الحقيقة الي تنجم تنورلك حياتك و تخليك تعرف انت شكونك بالضبط ... لحقيقة الي تخليك تعرف الناس الدايرة بيك و تحددلك وجهتك الصحيحة ... سوى بش تكون معاهم و لا بش تكون وحدك ... المهم تكون عارف ثنيتك ...
اما ف حكايتي انا الشك كان بداية لضيااعي ... من وراه انا ضعت ف متاهة كبيييرة ... كلها أبواب مسكرة ... مشى ف بالي بش نلقى مخرج ف واحد منهم ... اما مش هذا الي صار ...
كل باب كنت نحلو كنت نلقى وراه سر ... سر يرجع يدفعني بقوة للمتاهة من جديد ... و يخليني نزيد نتوه اكثر و يخلي طرف النور الي كنت نرا فيه من بعيد يتلاشى
......
سنين من عمري عديتهم ف الظلمة نجري وراء الأسرار حبيت نكشفهم ... بش انجم وقتها ناقف و نقول قدام الناس الكل و على علو صوتي ... انا بريئة ... انا انسانة واعية و بعقلي ... و انو الجنون و الشك مجرد وهم و كذبة ... انتوما خليتوني نعيشها و نصدقهاا بش تخبيو جريمتكم فيااا انااا
......
اما يا ريتني ماعملتها ... ياريتني لا بحثت و لا كشفت الشي الي كان مخبي ... ياريتني هربت و لا واجهت ... كنت راضية نغوص و نغرق ف الشك و ف الجنون طول عمري ... نبقى عايشة ف كذبة و عذاب بين أربعة حيوط و لا اني نفيق على حقيقة كيف هاذي ▫️
▪️ حقيقة كانت سبب ف نهاية جوري بالنور ▪️
🪞 هاذي انا جُورِي
🥀 الوردة الحمراء الي ذبلت قبل وقتهاا كيف لقات روحها مزروعة بين وردتين ساميين ... 🥀
على قريب بش نبدأ مشواري معاكم ... بش نخليكم تعيشو معاياا الليلة الي خلات حياتي تتقلب ... الليلة الي حددتلي مصيري لثنية مجهولة ... بش نخليكم تضيعو معايااا ف طريق عندو اول اما ماعندوش اخر 🗝
طريق اساسو " الماضي " ... الماضي الي بش يلغي الحاضر و ينفي المستقبل 🪦🪦🪦 ...
نتمني حكايتي تعجبكم كيما نتمنى انكم تكونو حاضرين للمفاجأت الي تستنى فيكم ...
خاطرني متاكدة الي بش تشوفوه معايااا مستحيل كان شفتوه قبل ... 🪞
⚪️هاذي الرواية الثانية متاعي بعد " ليس ذنبي " ⚪️
VOUS LISEZ
🗡🥀#رِيْبَة_جُورِي🥀🗡
Mystery / Thriller🗡🥀#رِيْبَة_جُورِي🥀🗡 ▪️لَا تُصَدَّقْ... وَ لَا تَثِقْ... دَعْ الشَّكَّ يُصَاحِبُكَ وَ الرِّيبَةَ تُرَافِقُكَ حَتَّى يَأْتِيَكَ "الْيَقِينُ"...️▪️
