🗡🥀#رِيْبَة_جُورِي🥀🗡

حلقة 24

حلقة 24
#جاد_يحكي

مانعرفش قداه من نهار تعدا على آخر مرة ريتهاا فيها.. ايامات عديتهم و انا غاطس ف الخدمة وساعات نمشي للفيرمة نتفقد الأجواء غادي.. اصلا قاعد نلهي ف روحي هكاا بش مانخممش فيهاا ولا نخمم ف الي عملو بوهاا.. حسيت روحي دخلت ف حكاية مش عارف طريق لخروج منهاا منين..بقيت بينها هي الي مش عارف كيفاه بش نصلح الوضع معهاا وبين حكاياتي لقديمة..فقت من سرحتي على صوت الباب كيف تحل..هزيت راسي معاهاا كيف دخلت وسكرت الباب ورهاا..قربت ناحيتي تحكي
سارة :" عسلامة دكتور  "
حطيت لقلم وتكيت بظهري لتالي نحكي
انا :" يسلمك..شبيك لتو ؟؟ عندك اكثر من ساعتين من الي قتلي راك ف الطريق "
سارة :" سامحني مالقيتش تاكسي..وليت طلبت تاكسي بقيت نستنى فيها "
انا :" باهي اقعد "
هزتلي براسها باهي من غير حتى كلمة..حطت ساكهاا و نحات كبوطهاا وقعدت مقابلتني..غزرتلهاا نحكي
انا :" اي احكيلي شعاملين غادي ؟"
سارة :" ملاح..جوري قاعدة تتحسن و انا معاهاا ديما "
انا :" قلي شحالها هي؟ قاعدة تاكل ملييح و تشرب ف دواها منظم ؟"
هزتلي براسها أي تحكي
سارة :" اي دكتور ماتخافش..انا حريصة على كل شي..غير هكاا اناا قاعدة نعمل ف الي وصيتني عليه لمرة الي فاتت لكل "
انا :" مليح كمل هكاكا انت تو..خاطر انا مانحبش نكلمها ف الوقت الحالي..نحب نخليهاا على راحتهاا..و على قريب بش نجيبكم حذاياا "
سارة :" باهي دكتور "
انا :" باهي و هي وين تو ؟ خليتهاا ف الدار وحدهاا و لا لآخر معاها ؟"
عدات بلسانها على شفايفها وغزرتلي درا كيفاه تحكي
سارة :" لا خليتهاا وحدهاا ف الدار "
انا :" معادش تخاف ؟ تعودت ؟؟"
سارة :" اي نقص علاهاا الخوف "
انا :" اياا باهي هنيتني تو.. اي قلي مالا شنوة الموضوع  المستعجل الي مايتحكاش ف تاليفون ؟"
فركت يداها ف بعضهم وغزرتلي تحكي
سارة :" هو.. يعني هو الموضوع يخص جوري "
عقدت بحواجبي نحكي
انا :" شبيها جوري ؟"
سارة :" جوري.. يعني هي... "
حسيت روحي توترت كيفاه قاعده تتلعثم..قربتلهاا شوي و حطيت يدي عالمكتب نحكي
انا :" نطقتش تو..شبيها جووري "
سارة :" جوري بدأت تخدم "
حليت عينيا على وسعهم كيف سمعت جملتهاا..للحظة حسيت روحي مش فاهم قصدها..عديت بعينيا عليها نحكي
انا :" مفهمتكش ؟ شمعناهاا تخدم ؟؟"
سارة :" لقات مطعم قريب السيتي طالبين نادلة.. مشات قدمت وقبلوهاا.. تو عندها اكثر من اسبوع و هي تخدم..قد ماحكيت معاهاا بش تبطل ماحبتش..قالت الي هي تحب تخدم و تشوف حياتهاا "
حسيت دمي فور من كلامهاا و العصب طلعلي لراسي..مانعرفش كيفاه ضربت بيدي عالمكتب و عليت ف صوتي نحكي
انا :" اكثثثثر من اسبوع و تو جاية تحل ف فمك "
سارة :" ب..بقيت نستنى ف تاليفونك..مش انت وصيتني مانتصلش حتى انت تكلمني..و لبارح بعتلك ميساج خاطر ماحبيتش ناجل لحكاية اكبر حبيتك انت تحكي معاهاا "
عديت بيديا الزوز على وجهي و كبست على رقبتي نحكي
انا :" ك تبدااا حكاية اكيييدة هكااا كلمني يااا سارة.. كلمني و لا ايجا طوول لهنااا.. تصرررررف "
هزتلي براسها باهي تحكي
سارة :" باهي دكتور..سامحني يعني انا ماعرفتش شنعمل بقيت ف الوسط "
نفخت بالقوي نحكي
انا :" باهي ساييي تو..فسرلي لحكاية وين تخدم ووقتاه ؟ احكيلي كل شي "
سارة:" كيف ما قتلك هي صارت تخدم نادلة ف مطعم la sponda الي قريب لسيتي..و بدأت عندها اكثر من اسبوع "
انا :" مالا هي ف الخدمة تو ؟؟"
سارة :" لا.. جوري ماتخدمش تو "
غمضت عينيا بالقوي و رجعت حليتهم..حسيت روحي بديت نكرز منهاا كيفاه تقطر علياا ب الكلام..رسيت على سنيا بالقوي نحكي
انا :" يااا سارة انطق "
سارة :" جوري تخدم ف ليل..من السبعة للثلاثة الفجر "
عقدت بحواجبي مستغرب كلامهاا..للحظة بلحق حسيت روحي نتخيل و مش مصدق الي نسمع فيه..كيفاه جوري تعمل هكاا مش عارف..عديت بعينيا عليها نحكي
انا :" انت واعية بروحك فاش تحكي؟؟؟ كيفاه تسمحلهااا ؟؟ كيفاه لآخر يسمحلهاا ؟"
سارة :" حاولنا معاهاا الزوز..ماحبتش..جوري تعرف راسهاا كاسح..جوهر يهزها السبعة و هو يروح بيها "
قمت من بلاصتي فيسع نحكي
انا :" لا تهنيت بيه لحق "
نحيت الطبلية و لبست الفاست متاعي و غزرتلها نحكي
انا :" كلمهاا شوفهاا وينها تو "
هزتلي براسها باهي من غير حتى كلمة..ريتها كيف جبدت تليفونها و طلبتها.. غزرتلي تحكي
سارة :" ماتجاوبش "
كبست عالبونية متاعي بالقوي نحكي
انا :" اخرج قدامي سارة اخرج "
هزتلي براسها باهي وقامت هزت ساكهاا و خرجت معاياا.. طلعنا ف الكرهبة.. وشديت الثنية للدار..غزرتلهاا نحكي
انا :" ابقى اطلب "
سارة :" شي ماتهزش "
للحظة حسيت روحي توترت..ماعرفتش ف شنوة نخمم بالضبط..كبست عالفيتاس أكثر نحكي
انا :" زعمة ماتكونش مشات تخدم؟"
سارة :" لا مازالو ساعتين على خدمتهاا..ممكن راي رقدت خاطر خليتهاا بش ترتاح "
انا :" انشالله يكون هكااا "
نزلت عالفيتاس و بقيت نسوق و نخمم ف شنوة بش نحكي معاهاا تو.. اما كل الي نعرفو انو لازمني نقنعهاا بش تبطل الي تعمل فيه و تنقص من صحة راسها الي كل مرة مخليتهاا ف مصيبة..مسافة الطريق ووصلت راكيت الكرهبة ونزلت انا وسارة..اول ماقدمنا ناحية العمارة..عقدت بحواجبي كيف ريت جوهر نازل يجري..وقف كيف غزرلناا قدامو..عدا بعينيه علينا وركزهم ف سارة يحكي
جوهر :" سارة ياخي جوري ويني ؟؟؟"
قلبي ضرب بقوة على سوالو لسارة..ماخليتهاش تجاوب و سبقتها نحكي
انا :" شتقصد انت ب وينهاا ؟؟"
جوهر :" جوري مفماش لفوق..مالقيتهاش "
سارة :" وين عندهاا تمشي ؟؟ انا خليتهاا و قتلي بش ترقد ترتاح "
جوهر :" مانعرفش.. حتي نطلب فيهاا ماتهزش "
غزرت لسارة نحكي
انا :" سارة حاول تتفكر..ما صار شي يخليهاا تتقلق ؟"
هزتلي براسها لا تحكي
سارة :" لا لا بالعكس ليوم قامت عاملة جو و حضرت روحهاا..اسال حتى جوهر "
جوهر :" مش وقتو هذاا.. انا بش نمشي نشوفهاا "
هزيت بحاجبي نحكي
انا :" وين ؟"
جوهر :" مانعرفش..سارة انت اطلع و خليك ف الدار.. كان جات كلمني "
انا :" و انا تو نمشي نشوفهاا ف مكان شغلهاا ممكن تكون مشات على بكري "
جوهر :" اي خير و انا تو نمشي للفيلا ممكن مشات غادي "
هزيتلو براسي باهي نحكي
انا :" باهي "
جبدت الكارت متاعي و عطيتهالو ورجعت نحكي
انا :" كلمني جوهر كان لقيتهاا "
خذاها من يدي وهزلي براسو باهي من غير حتى كلمة..مشى فيسع وطلع ف كرهبتو..غزرت لسارة قحرتلها نحكي
انا :" هاذي ثاني مرة نندم اني خليتك انت مسؤولة عليهاا "
سارة :" انا ... "
عطيتها بظهري من غير مانسمع بقية كلامهاا..و مشيت طلعت ف الكرهبة..دورت المفتاح وكبست عالفيتاس نجري خليت كان التراب ورايا..حسيت روحي ترهوجت من الافكار الي بقاو يدورو ف بالي..كل مرة يصير نفس الشي..ك نبعد عليهاا نلقاهاا تضيع مني اكثر..اما المرة هاذي مستحيل كان نخليهاا تفلت مني بش نشد فيهاا اكثر خاطر معاياا انا بش تكون ف امان..غير نلقاهاا تو و مستحيل كان عيني تغفل علاهاا..مسافة الطريق وكنت قدام المطعم..راكيت الكرهبة ونزلت فيسع دخلت لداخل ودورت بعينيا عالبلاصة مالقيتهاش قدامي..وقفت اول سرفور عرضني..نحكي
انا :" سامحني بش نسألك.. فما وحدة تخدم اسمها جوري.. نحب نعرف كان جات ؟"
هو :"لا جوري تشد الخدمة بعد ساعة..مازالت ماجاتش "
انا :" باهي عيشك "
بقيت واقف ف بلاصتي نخمم وين بش نمشي تو..وين ممكن نلقاهاا..حسيت عينيا ظلامت و مخي وقف معادش عارف نخمم..بقيت هكاكا مانجمتش حتى نتحرك من بلاصتي..فقت من سرحتي على الصوت لقوي الي سمعتو من براا..خرجت نجري بش نشوف شفما..اول ما خرجت وقفت جامد على بلاصتي.. حليت عينيا على وسعهم حسيت روحي تصدمت و انا نشوف ف الي صار ف ظرف هالدقائق هاذم..كيما مفهمتش كيفاه صار هكاا و شكون وراهاا..