လွတ်လပ်ခွင့် ( Uni + Zaw)

Part - 6( Uni +Zaw)

Uni

                  (အပိုင်း- ၆)

                      *    *    *
ဘူးရွက်ဟင်းချိုကို အရင်ကျိုလိုက်တယ် ။ ရေနွေးပွတ်ပွတ်ဆူထဲ ငပိလေး နည်းနည်းထည့် ဘူးရွတ်ခတ် ၊ အချို့မှုန့်လေးခတ် ဆားလိုသလောက်ထည့်လိုက် ပွတ်တော့ကျက်ပြီ ဒါပဲ။ ပြီးတော့ အမဲကြောကို မီးသွေးနည်းနည်းနဲ့ နှပ်ထားလိုက်တယ်။ အမေ့ကို ရေချိုးပေးဖို့
ခင်သိန်းရေခပ်ရအုံးမယ်။ အ၀တ်တွေလဲ လျှော်ရအုံးမယ်။ အ၀တ်တွေကတော့ ခင်သိန်းရေချိုးမှပဲ တခါတည်းလျှော်လိုက်တော့မယ်။
_______________________________

"အမေရေ ရေချိုးရအောင်" လို့အသံပြုလိုက်

ကုတင်ပေါ်က အမေက ထဘီရင်ရှားပြီးပြီ။ ကုတင်ပေါ်က ဒေါ်ရင်ရှားမကြီး ဟုတ်ပါဘူး ဒေါ်မယ်တင်ကို ရေချိုးမဲ့ ကန်ထိ တွဲလာကာ သစ်သားခုံပေါ် ထိုင်ခိုင်းရသည်။

ခြေထောက်ကနေ ကလေးများလို ရေမလန့်အောင် စပြီး လောင်းပေးရတယ်။ပြီးမှ တကိုယ်လုံးကို ရေချိုးပေးရတာ။ ရေလဲ အကြာကြီးမချိုးခိုင်းရဲဘူး။ ရောဂါက များများနဲ့
ခေါင်းလျှော်ပြီး ဆပ်ပြာကို မြန်မြန်တိုက်။
ပြီးရင် ရေလဲဖို့ တဘီကို လက်ထဲထည့်ပေးရသည်။

ကုတင်ပေါ်မှာ အမေရေသုတ်နေစဥ် ခင်သိန်းတစ်ယောက် ၀တ်ဖို့ အ၀တ်ယူပေး။ သနပ်ခါးပြေးသွေးရတယ်။ ဒီချိန်က ပါဝါရိမ်းကျားအတိုင်းပဲ အလျင်လုပ်ရတာ။ အမေ အင်္ကျီလဲပြီးသည်နှင့် မျက်နှာပေါ်ကို သနပ်ခါးက ကွတ်တိရောက်နေရမှာ။အလျင်မလိုလို့မရဘူး ရေကန်က လုရအုံးမှာ။

ပုဆိုးရင်ရှားပြီး ဆပ်ပြာခြင်းက တဖက်
အ၀တ်ထုတ်က တဖက်နဲ့ အမေရေ
ခင်သိန်း ရေချိုးသွားပြီဗျို့။
_______________________________

အ၀တ်ကလဲ အလုပ်၀တ်ဆိုတော့ လျှော်ရတာမလွယ်။ ရေညစ်လိုက်တိုင်း ဂျေးက အမည်းလိုက်။ ကြားထဲ ရေသက်သာအောင်လျှော်နေတော့ ပိုဆိုးသေး။ ၂ကန်၀ယ်ပြီး လျှော်တာတောင် လောက်မဲ့ပုံမပေါ်။
မြေကြီးထဲက ရတဲ့ရေကိုတောင် ဖော်ဖော်သီသီလေး ပိုပိုလျှံလျှံလေး ထည့်မပေးဘူး။
မြေကြီးထဲက ရေပေမဲ့ ဒင်းတို့က မီးဖိုး ၊စက်ဖိုး ရှိသေးတယ်ထင်ပါတယ်။