Uni
(အပိုင်း - ၁၆)
ခင်သိန်း ဒီနေ့ အလုပ်သစ် စ၀င်ရတော့မယ်။
အလုပ်သစ်ဆိုတော့ ရင်လည်းခုန်နေတယ်။
မနက်ကတည်းက အ၀တ်လျှော် ရေချိုးထားလိုက်တယ်။ အမေစားဖို့အတွက်လည်း အဆင့်သင့်။ အ၀တ်သန့်သန့်ဖြူဖြူလေးနဲ့ ပုဆိုးလေးကို သေချာ၀တ်ထားလိုက်တယ်။ အမေမြင်ရင်ပျော်လိုက်မှာ အမေမြင်စေချင်တဲ့ ယောက်ျားလေးလိုမျိုး ၀တ်ထားတယ်။အမေကတော့ ဘာမှ မပြောရှာပါဘူး။
"အများနဲ့ လုပ်ရမှာမို့ တက်နိုင်သလောက် သည်းခံပေါ့ အေ "တဲ့ ။
၁၁ထိုးခါနီးလောက်မှ စန်းညွှန့်တို့ အိမ်ရှေ့ကို ခင်သိန်းသွားထိုင်စောင့်နေလိုက်သည်။ ခဏကြာတော့ စန်းညွှန့်ထွက်လာတယ်။ မျက်မှန်အမည်းနဲ့ ဂျင်းဘောင်းဘီနဲ့။ ဆိုင်ကယ်က စူပါကပ် အင်းပေါ့လေ သူလဲ ခေသူမှ မဟုတ်တာ သူဌေးစာရင်းထဲ ပါတဲ့သူပဲ။
ဆိုင်ကယ်နောက်ကို ဘေးတစ်စောင်းထိုင်ပြီး ဘီယာဆိုင်ရှိရာသို့ လိုက်လာခဲ့တယ်။
ခင်သိန်း စက်ဘီးနောက်လိုက်လို့ အသည်းကွဲပြီး ထမင်းငတ်ပြီးပြီ အခုဆိုင်ကယ်နောက်လိုက်နေရပြီ ဘာတွေဆက်ဖြစ်အုံးမှာလဲ။
----------------------------
ဘီယာဆိုင်ကြီးက ခမ်းခမ်းနားနားတည်ဆောက်ထားတယ်။ ဘီယာဆိုင်ရဲ့ အနောက်ဘက်မှာလည်း တိုက်အကြီးကြီး တစ်လုံးရှိတယ်။ ဆိုင်ကလူတွေက ငယ်ငယ်ချောချောလေးတွေ။ ၀န်ထမ်းလေးတွေက အနက်ရောင်တီရှပ်၀တ်စုံလေးတွေ တူတူညီညီ ၀တ်ဆင်ထားတယ်။ မိန်းကလေးတွေဆိုရင် စကပ်ဒူးဖုံးအနက်ရောင်လေးတွေ ၊ ယောက်ျားလေးဆိုရင် ဘောင်းဘီရှည် အနက်ရောင်လေးတွေနဲ။
ခင်သိန်း ဆိုင်က လူတွေကို တအံတသြ လိုက်ကြည့်မိတယ်။ ဆိုင်က လူတွေကတော့ ခင်သိန်းလို အသစ်မျိုး ရိုးနေပါပြီ ဆိုတဲ့အကြည့်မျိုးတွေနဲ့။ နောက်ပြီး ပိုက်ဆံသွားချေးတုန်းက စန်းညွှန့်အိမ်မှာ တွေ့ခဲ့တဲ့လူ။ သူက ဘာလို့ ဒီမှါ ရှိနေတာလဲ။ အော် သူက ပိုင်ရှင်ပဲလေ...။
"ကဲ...ကဲ အားလုံး ဒါက ၀န်ထမ်းအသစ် ခင်သိန်းတဲ့။ ဟေ့... ချစ်စနိုး အကင်းလေးကို ၀တ်စုံရယ် အလုပ်သဘောရယ်ကို သင်ပေးလိုက်အုံး"
YOU ARE READING
လွတ်လပ်ခွင့် ( Uni + Zaw)
Non-Fictionမိန်းမလျာတစ်ယောက်ရဲ့ ဘ၀အခြေနေဖြတ်သန်းပုံ၊ ဖိနှိပ်ခံရပုံတွေကို ရသသဘော ရေးသားထားခြင်းဖြစ်ပါတယ်။
