කලුවරේ ගිලිලා තිබුනු ලොකු බංගලාව එලිය කරන්න අද තිබුනෙ අඩ හඳක් විතරයි.. ඒ අඩ හඳෙන් ගලාගෙන ආව රන් වන් හඳ එලිය රබර් ගස් මැද තනි උන බංගලාවෙ පාලු බව මකන්න සමත් වෙලා..
ඒත් ඒ බංගලාවෙ තිබුන එක බැල්කනියකට වෙලා හිස් බැල්මෙන් මේ හඳ දිහා බලාගෙන ඉන්න කෙනාගෙ හදවතේ තියෙන හිස් බව මකන්න ඒ හඳටවත් පුලුවන් කමක් තිබුනෙ නෑ.
ඇගිලි දෙකක් අතරට හිර උන බාගෙට අලු උන සිගරට් කොටෙන් දුම් උගුරක් උඩට අදිමින් හදවත ඒ සැර දුමෙන් පුරවගත්ත ටේහ්යුන් ඊලගට ඇගිල්ලකින් සිගරට් එකේ ඉතුරු කොටසට හිමින් තට්ටු කලා. ඒ අලු ටික ගසලා දාන්න. ඒත් ඒ බැල්කනියෙන් පහලට ගසපු අලු රබර් ගස් අතරින් හමාගෙන ආව හීතල හුලඟට කලවම් වෙලා ගහගෙන ගියා කියල ටේහ්යුන් දන්නෙ නෑ.
උඩට ගත්ත දුම කටින් පිටකරපු එයාගෙ බැල්ම කෙලින්ම යොමු වෙලා තිබුනෙ පාලු අහසෙ තමන්ගෙ ආධිපත්යය පතුරන හද දිහාවට...
සමහරුන්ගෙ ජීවිතත් මේ හඳ වගේ නේද කියල ටේහ්යුන් හිතපු වාර අනන්තයි.. දවසක සම්පූර්ණයෙන් එලිය වෙලා හැමෝගෙම ඇස් එයා වෙත ඇදගන්න හඳ ටිකෙන් ටික එලිය අඩු කරමින් දවසක නොපෙනි යනවා.. ඒත් අර ලස්සන රන්වන් පාට හඳ දිහා බලාගෙන ඒ ගැන අගේ කරපු, කවි නිසදෙස් ගොතපු මිනිස්සුන්ගෙන් බහුතරයක් හඳ හැංගෙන දවසවත් දන්නෙ නෑ.. එයාලට වැඩකුත් නෑ.. දිලිසෙන එලිය නැති කලු පාට රවුමකින් කාටවත් ඇති වැඩේ මොකක්ද! ඒකටත් හඳටම දොස් කියනවා ඇරෙන්න හඳ නොපෙනි යන්න , ආලෝකය අඩු වෙලා අඳුරු වෙන්න හේතුවක් හොයන්න කවුරුත් නෑ.. ඒත් ආයෙත් ඒ හඳ ටිකෙන් ටික එලිය වෙලා පිරිපුන් උන දවසට ආයෙම අර හැමෝම එයා ගැන කවි නිසදෙස් ගොතාවි.. ඒ ලස්සන අගය කරාවි!
ඉවර කරපු තුන්වෙනි සිගරට් කොටෙත් බිමට දාපු ටේහ්යුන් ඒක සෙරෙප්පුවෙන් පෑගුවේ තවත් සිගරට් එකක් අතට ගන්න ගමන්මයි.. තොල් අතරෙ ඒ දුම්වැටිය හඳවගත්තු එයා සාක්කුවෙන් ගත්ත ලයිටර් එකකින් ඒක පත්තු කරගත්තා.
සිගරට් එක නිසා හඳෙන් මිඳුන දෑස් ආයෙත් හඳ වෙතට යොමු කරගන්න ගියපු ටේහ්යුන් එක පාරම ගැස්සිලා ගියේ එයාගෙ නිරුවත් උරහිසට දැනුන සීතල ස්පර්ශයෙන්.. ඒ එකම එක ස්පර්ශය ඇති ටේහ්යුන්ට එයාගෙ ආදරේ අඳුන ගන්න..
YOU ARE READING
𝐁𝐎𝐘𝐓𝐎𝐘 || 𝐓𝐊
Fanfiction[English] [𝐂𝐨𝐦𝐩𝐥𝐞𝐭𝐞] 𝐈 𝐝𝐨𝐧'𝐭 𝐰𝐚𝐧𝐭 𝐚 𝐩𝐥𝐚𝐲𝐛𝐨𝐲 𝐣𝐮𝐬𝐭 𝐰𝐚𝐧𝐧𝐚 𝐩𝐥𝐚𝐲 𝐰𝐢𝐭𝐡 𝐦𝐲 𝐁𝐎𝐘𝐓𝐎𝐘 #𝐓𝐨𝐩 𝐓𝐚𝐞 #𝐏𝐨𝐰𝐞𝐫 𝐛𝐨𝐭𝐭𝐨𝐦 𝐤𝐨𝐨𝐤 (𝐓𝐡𝐢𝐬 𝐜𝐨𝐧𝐭𝐞𝐧𝐭 𝐢𝐬 𝐛𝐚𝐬𝐞𝐝 𝐨𝐧 𝐡𝐨𝐦𝐨𝐬𝐞𝐱𝐮𝐚𝐥𝐢𝐭𝐲 𝐚...