BIYAYYAH

BIYAYYAH PAGE 19

💅🏼    BIYAYYAH   💅🏼

WRITTEN BY HAERMEEBRAERH

Page 19:

Sahabee ne da Iya zaune suke ta faman kukan rashin Alhaji Abdullahi, wanda gaba d'aya ba wanda ya tausaya masu sai ma haushin su da kowa ke ji, amma saboda kindness irin na su Amma ko a fuska ba su nuna masu ba, Eamaan na ganin su wani tuquqin baqin ciki ya taso mata, kawai ta nemi waje ta zauna, dan gani take Allah ne ya yi Alhaji zai mutu amma fa ta sanadin Sahabee ne komai ya faru, Iya kawai ta gaida da,

" Ina wuni,"

Ta koma gefe ta zauna a kujera idon ta rufe dan ko ganin su ba ta son yi, amsawa Iya ta yi tana ta zuba tana fad'an in da suka ji rasuwar, ba wanda ya ce masu ci kan ku,sai in sun ce Allah ya jiqan Alhaji ne a amsa, Eamaan kam ko kula su bata yi ba, dan tana kyautata ma Allah  zato akan Alhajin, ba lallai sai da addu'ar su ba zai zama dan aljanna inshaa Allahu, ana zaune sai ga Fatee an kawo ta tana ta kuka, Eamaan ce ta karbe ta tana ta jijjiga ta, se aka samu ta yi shiru, Amma ce ta kawo mata abinci ta dauke ta tana bata, can a cikin surutan Sahabee  su ka ji yana fadin

" Allah ya jiqan Yayah, tin da abubuwa sun faru haka, Fatee ita kad'ai ta rage mana a dangi, da zamu kalla muji dad'i, sai a had'a mana kayan ta mu tafi da ita,"

Hahaiiiiii cassssss ( wanne kallo kuka hango idon Eamaan na yi wa Sahabee readers) sai da Amma kan ta ta miqe ta zauna kusa da Eamaan dan yanda taga jikin ta ya hau rawa idon ta ya yi jawur, ta miqe tsaye Amma ta miqe ganin ta zo zata wuce da wannan deadly look din nata Sahabee ya ja gefen iya yana zaro idanu, bata ce wa kowa komai ba ta shiga dakin ta, Amma ce ta basu hakuri tana qoqarin bin bayan ta ta fito dauke da leda a hannun ta, ta wurga ta a fuskar Sahabee, d'an abinda ke ciki wasu suka fito, kudi ne a cikin ledar,

" ku tashi ku fita, ga ragowar abinda ya yi saura na dan uwan ku a wajena, na yafe gadon shi bana so, diyata in ta girma kun bata a hannun ta,amma ni ko a a hannun dangina bana son ku aje gadon ta, marasa hankali da imani kawai, kutashi ku fice nace !!!!"

Cike da wata gigitacciyar tsawar da ko iyayen ta basu taba jin ta yi irin ta ba, ta matuqar kidima kowa a wajen, ba shiri Sahabee ya tattare kud'ad'en ya mayar ledar ya kama Iya suka bar gidan, hankalin su a tashe, daf zasu fita ne ya juyo yace,

" ko ba jima ko ba dade sai Fatee ta dawo hannun mu,"

"Naga dan iskan da zai daukar min yarinya ya kaita gidan tsohuwar da bata san ya zata ba kanta tarbiyya ba balle yaran ta su tashi cikin son juna daya bai sanadin dayan shi ba,har ta samu damar yi wa jikar ta zama yarinyar kirki bata sa ta zama karuwa ba kamar yaran ta,"

A kunyace Iya ta sa kai ta ja hannun Sahabee, suka fice Daga gidan, gidan hayan da suke haya a ciki suka nufa direct, suna fita Eamaan ta zauna dabas a qasa tana ta kuka,

"Na rantse ba wanda ya isa ya dauki Yarinyar nan, Amma ku min alqawarin ko me zai faru ba zaku bada Fatee ga wadancan marasa Imanin ba, gwanda akai ta gidan marayu wasu su dauka dana basu ita, Amma baku san halin mutanen nan ba,Sahabee shine ya yi sanadin da Alhaji ciwon shi ya tashi ya kai ga mutuwa, a gaban Alhaji ya so kusanta ta, Allah ya bani iko na mai duka da muciya,Sahabeen nan da kuke gani shine ke neman matar alhaji da ran shi, Iya ta sani amma bata d'au mataki ba,Iya ta san Alhaji ba lfy amma ko ta nuna damuwar ta, kaiiii wadannan ba mutane bane, they are monsters, they don't deserve to be called humans, ba su da humanity kwata2 Ammaaaaa,"

kuka take tin qarfin ta, Amman ta na share hawayen ta itama,Mama ce ta zo ta rungume ta ta daga ta a wajen, d'aki tai da ita, ta kwantar da ita, tana shafa kan ta,ta tsaya cikin hakuri har Eamaan tai bacci, Fatee ma dake kuka tai bacci Amma ta shigo ta kwantar da ita a gefen ta suka ja masu qofar suka fita, bayan Amma ta topa masu addu'ar bacci, palour suka koma dukkan su, Daddy daya dafe kan shi da yake jin yana sara masa sai a lokacin ya fashe da kuka, tabbas ya saka diyar shi cikin tashin hankali, cikin damuwa, cikin rudanin rayuwa, ashe haka diyar shi ta qunshi baqin ciki, banda wanda ya ji labari wajen Hafsat, tabbas bai wa diyar she adalcin hada ta aure da Alhaji ba,farin cikin shi daya yanda abokin nashi ya rasu, yasan inshaa Allah ya samu rahamar Allah, lallai tana bin shi bashin ban hakuri,bari ta tashi a baccin, Amma da Mama ne suka zauna a kusa da shi suka dafa shi, a hankali suke bashi baki,

"Ba laifin ka bane Alhaji, ka kwantar da hankalin ka kai wa abokin ka addu'a da diyar ka tare da jikar ka, Allah ya kyautata rayuwar su ladan biyayyar da ta yi a baya Allah ya tabbatar mata da shi, domin kai sanadin samun ladan ta a wajen Allah,kai sanadin samun daukakar ta a wajen Allah, dan haka ka kwantar da hankalin ka,"

Share hawayen shi ya yi ya murmusa ya masu godiya ya shige d'aki ya rufe kan shi.

Gidan da su Sahabee suka ara suka hada da kudin da sahabee ya sata, a dakin Hajiya Babba, wanda bayan an saida gidan Eamaan sun karba sun tafi ya dawo, shi kadai yasan tana ajiya a saman Cabinet na kitchen din ta, ta tara kudi ba kadan ba, haka ya tattare a jaka ya fita, da zummar kayan shi ya diba, Dan haka da kud'in suka siye gidan hayar, abinda ya yi saura se ya tara ya boye, yana da wani quduri akan su, Iya tinda ya hada ta da dubu dari ta sake baki tana ganin ai ta samu kudi mai yawa, ya ja ya bame bakin shi.

Yanzu Eamaan sauran kwana takwas ta fita takaba, ta fara zama normal ba laifi, dan ko har hira sosai ana yi da ita, sai dai da ta tina da rashin Alhaji zata kadaice tai ta kuka, Fatee na gudun ta ko ina ga wayo, kyaun yarinyar sai fitowa yake, tare da kamannin Alhajin, dan shima ba baya bane wajen kyau.

Watarana Eamaan suna zaune, ita da Yayar su da ta zo,sai Hafsat itama ta zo, dan fitar Eamaan takaba, kowa na cewa wajen shi zasu dan hutuwa,

"Yayah ke fa kin ga baku rabuwa ke da tsohon mijin ki kullum, ba zama kuke ba kuma, yau kuna wannan qasar gobe kuna waccan, dan Allah ki bar ta taje wajena, "

Hararar ta yayar sun ta yi,

" Lallai ma yarinyar nan, to ni da ke anga mai mannewa miji, ke da gaba d'aya har yanzu ba ku daina d'okin sabon aure ba, kinga in tana waje na ma zata fi sakewa,in ba ma nan , she have the house to her self, tai abinda taga dama, pls just go with me dear,"

Ta qarasa cike da roqo, dariya kawai Eamaan take tana kuma jin dad'in yanda yayun ta ke son ta, amma qasan ranta ta fi son wajen Hafsat, kusan in ba aure ba dakin su d'aya, komai tare sukeyi, kamar sa'anni, Hafsar ba ta da son girma, duk da ta ba Eamaan shekaru biyu da watanni, amma kamar qawa ta dauke ta,musamman da Eamaan ba ta da rashin kunya,a na haka Fatee ta zo, sai Hafsat tace

" Yauwa Yayah in kin yarda a ba Fatee zabin ina zasu,"

" Tab dan ku min wayo, i know she will choose u, in a minute, or second ma, ban yarda ba,"

"To Yayah ya kk so ayi kin san dai Eamaan ba zata zaba ba ko,"

" Oh ok na yarda amma no cheating,"

Dariya suka yi, sannan Yayah ta fara tambayar Fatee,

" My baby zaki je hutu wajena,in dinga sai maki ice cream da sweets ko zaki wajen Aunt Hafsat ne?"

Kallon su ta yi Hafsat ta dauke kan ta, kar ma ace ta kalle ta ta roqe ta, ita ko Yayah fuskar tausayi tasa ma yarinyar , amma sai taga ta taka dugui2 tai wajen hafsat tana qoqarin hayewa cinyar ta,

" Aunt Hafsat an bi,"

Chaiiii nan da nan Yayah ta koma wajen zaman ta ta zauna ta dau lemon da take sha ta kurba ta ce,

" To kin yi nasara"🙄

dariya suka saka,itama daga baya ta yi, cikin dariya Eamaan ta kalle su cike da so tace,

" I love u all,kuma Yayah dana gama hutawa gidan Hafsy zan zo wajen ki kema, sai na fi ma dadewa a wajen ki,"

Cikin tsamin baki Fatee tace,

"Ana son Aunt Hashat,"

" To 'yannema mai kan buta, na fasa baki sweet d'ina, Dan kin ga ma Ina son ki ko,kawai dan baki ganina sai ki dauran jakar tsaba?"

Dariya suke sosai, Hafsat ta qara rungume yarinyar, kwatsam sai ganin ana bude gate suka yi, mota mai kyau sosai tana shigowa, kallon su suka mayar suga wake shigowa,sai da ya yi parking ya fito cikin takun isa da qasaita, sannan ya zo gaban su ya yi masu Sallama, Eamaan ba zata taba manta fuskar nan ba, jikin ta nan da nan ya hau rawa ta miqe tsaye, idon ta cike da hawaye..........

*Many many many thanks to u BIYAYYAH FANS, tabbas masu son biyayyah daga gani ku masu biyayyah ne, ina jin dadin yabawar ku ainun, musamman group din TAWHID IS THE KEY, a gaskiya sai godiya, sauran groups din na da yawa, ina godiya sosai, dan yabawar ku ke sa ko nai niyyar yin page d'aya na ji bari na qara maku, dan mai son abun ka sai ka taya shi so, na gode ba iyaka* *ME LOVE U ALL❤*