الرواية يغلب عليها الطابع الرومانس نوعما وهذا مقتطف صغير .. حيدر وهو يحاول يسحب رباطه يريد يتنفس أكثر يحس روحه مخنوك بعدما سمع اخوه كرار يأكد الكلام .. كرار بثقة من كونه محامي بارع ويعرف الأمور والقضايا شلون تسير .. _ اول ما تنطي ريمان موافقتها راح تسقط وكالتك عليها وبعد هي حرة ولاتنسى ريمان إنسانة واعية وانت اكيد تعرف هالشي
حيدر بقلق .. _ ماريدها تبعد عن نظري ، كرار افهمني ولا تحاول تصعب الأمور ، رتبلي عقد يجبرها تبقى تحت ايدي
_ حيدر شبيك ، اعرفك اكبر من هيج أمور انت اخوية الجبير واني اعتبرك مثل أعلى والله صدمتني !!!
_ ماريد ريمان تبعد عن المكتب خلها ادير مكتب عادل الله يرحمه اهم شي تبقى
كرار وهو يحك خده وبداخله كلام ماحب يحجي بي .. _ هذا اول تنازل تسوي ، فاجئتني ! كله في سبيل تبقى تشتغل وياك يا خوية البنت ترملت بعد حياتها صارت غير شكل
