رواية : إمرأتي
الفصل الرابع والعشرون
الكاتبة Jawhara
*****************
* حين أمنحك الاهتمام، وأعطيك بسخاء، فأنا لا أريد منك مقابلاً، إنّما كل ما أحتاجه هو أن لا أندم، لا أندم فقط.
*****************
حسام ..
قريت اسم ابو ياسر بالاشعار فتحت الرسالة
شيريد كاتب يريد يحجي وياي ضروري !!!!
كورت شفايفي واني اتخيل الموضوع الي يريدني بي ما اجى على بالي الا شيئين اساعد ياسر واسهل أمر نقله وزواج سهاد ، ضيكت حاجبي واتصلت بي بسرعه فتح خط واضح موبايله بيده !!
_ السلام عليكم شلونك ابو ياسر
_ هلا وعليكم السلام شلونك انت ، زين شفت رسالتي اني كلت مشغول وماتنتبه
_ محتاج شي ؟!
_ عبالي اشوفك يلا مادام اتصلت خل نحجي هذا اذا عندك وكت تسمع
_ اي تفضل د اسمعك
_ بخصوص بنتي أم نوار ، الصراحه هواي يتقدمولها وترفض اني كلت احجي وياك لأن البارحه تقدملها واحد زوجته متوفية وعنده بنات اثنين صغار الرجال حالته المادية زينة بس سهاد رفضت تكول ماريد ابني يربي رجال غريب لهذا أنا اكول ليش ما تتزوجها وتلم ابن اخوك وهو طفل يتيم تكسب بي اجر لأن بنتي رافضة تتزوج وهي بعدها شابة واني مادايملها
_ مو على أساس رافضة الزواج عجبا تقبل على اقتراحك هذا ؟!!
_ اني حجيت وياها وقنعتها
_ والمطلوب مني ؟!!
_ تعقد عليها وهي باقية ابيتها ماتاثر على علاقتك بزوجتك ولو هي ماموجودة شنو ماتقبل ترجعلك !؟
_ مالك علاقة بحياتي الخاصة وبالنسبة لبنتك خلها تكعد وتسكت وتربي ابنها وإذا متعاجزة منه خلها ترجعه لحظن أهله احنا اولى بي وكادرين نقوم بتربيته وخلها تتزوج
_ على كيفك ليش صاير عصبي
_ اعصابي هادية شمدريك عصبت ؟!
_ واضح من نبرة صوتك ، المهم واريد احجي بموضوع ياسر ومريم ، ابني يريد يتقدملها و ..
_ لا يفكر ولا يحلم اجتى فرصة وضيعها من أيده ، من الاخير مالكم نصيب عدنا
_ هذا اخر كلام عندك
_ اخر كلام وما أتراجع عنه
_ دومك ماتتفاهم عبالي تغيرت ، فيمالله
سديته وشمرت موبايلي وطلعت للحمام أسبح
بقيت فترة جوة الدوش لأن صافن بكلام ابو ياسر ، هذا كل عقله يحجي شلون يعرض بنته عجيب والله وادور اني اتزوج الي جانت على ذمة اخوية وجان يحبها لا حول ولا قوة الا بالله ، تذكرت جيلان وإذا تعرف بهيج شي شيصير بيها !!
**************
حيدر ..
زعلتها مني وطلعت من الشركه مقهورة رجعت للمكتب خزرت اكثم الي كاعد عالكرسي وبيده سبحته يفر بيها ..
أنت تقرأ
إمرأتي
Romanceفي وقت اشتياقي لك، تتركّز كلّ أفكاري وتهرب منّي إليك، ويشدّني الشوق والحنـين بشدّة إليـك قصة رومانسية اجتماعية ، بقلمي ،الكاتبة Jawhara
