رواية. : إمرأتي
مقتطفات
الكاتبة Jawhara
****************
السلام عليكم ورحمه الله 🌹🌹🌹
حبايبي هذه تغشيشة البارت الاخير أن شاء الله مراح أنزله اليوم لأن مشغولة انتظروني باجر ، تحياتي ❤️
************
سيرين ..
_ وين تريد حبيبي ابقى وياية وخلي اخوتك يرحون
التفت علية وهو يكلب بملابسه مدري شيدور تقربت عليه صرت بصفه حطيت ايدي على ظهره انتظر رده بقى ساكت رجعت سألته ..
_ شنو تريده اني ادورلك عليه !
_ اريد قميص
مديت ايدي اختاريت لون حبري وياه بنطرون نفس اللون من يلبسه كولش يلوكله
أخذه ركز بي وشمره عالجرباية وبدى ينزع التراك
_ مكلت وين ترحون انت والشباب ؟!!!
_ رايحين لعزيمة ولد صديق ساجر
_ يعني اليوم البيت فارغ كلها طالعه بس اني ابقى بوحدي
دكم قميصه ورتبه بداخل البنطرون وتقرب علية ..
_ ليش تبقين بوحدج !! امي وينها !؟
_ عمتي تروح لبيت شيخ عساف تطمن على منصور اين أختك مريض وأميرة من البارحه يم أهلها خطوبة اختها
بقى صافن سودة علية يمكن محتار بكلامي ابتسمت اطمنه ..
_ اهم شي متتاخر علية اني شكو علية اكمل شغلات البيت وعندي خبز هماتين ، يلا يروحي اخليلك من العطر الي تحبه
،،،،،
سيرين ..
صرخت مفجوعه ومصدومة من لهب النار الي تصاعد بالمخزن. انحصرت بزاوية اريد اطلع خفت لا احترك
****************
ريمان ..
_ وينه حيدر ليش تأخر ؟!!
رد كرار الي فات يشرب مي ..
_ قبل ساعة خابرته كال دقايق ويوصل البيت
احتمال مر على شي محل
مدري گلبي ليش نغزني ادور اتصل عليه ميرد طلعت بالكراج احس مختنكه كلما تزيد دقايق تأخير حيدر ، رجعت للبيت من سمعت صياح بكر وحيدر الظاهر تعاركو ولو بكر هادىء بس حيدر ماشاء الله حركته مالية البيت هو رئيس على ابني
لكيت عمتي ماخذه بكر بحظنها شبعان بجي وحيدر كاعد عالدرج ..
_ شبي ليش يبجي ؟!
اخذته منها أسكته ، كالت حيدر دفعه من الدرج عينج عليهم بينما تكمل ميرة غسل الملابس
_ عمة حيدر تأخر واتصل ميرد علية !!
****************
جيلان ..
طلع حسام للدوام واني باقية افكر واستقريت على رأي خابرت ريمان بداية موقفها وياي بس مشجعتني بالراح اسوي خافت حسام يأذيني كلتلها والله ما اترك هيج سالفة تمر وبعدين اكعد اكل أصابعي ندم
أنت تقرأ
إمرأتي
Romanceفي وقت اشتياقي لك، تتركّز كلّ أفكاري وتهرب منّي إليك، ويشدّني الشوق والحنـين بشدّة إليـك قصة رومانسية اجتماعية ، بقلمي ،الكاتبة Jawhara
