رواية : إمرأتي
مقتطف
الكاتبة Jawhara
****************
من غير ما اكون واعية للرياجيل الي دخلو عيني بس على منصور عرفته من بينهم رغم شكله التعبان ولحيته الطويلة ،، بعدين يلا حسيت على إخوة منصور وولد عمة الي طلعوا بسرعة
صحت بأسمه وتقربت عليه بسرعة اول ما دخلو الحوش حظنته بقوة واني أصيح بأسمه وابجي ما حسيت الا بأيديه تدفعني وهو يتلفت عليهم غطيت وجهي بين ايدية واني ابجي حظنتني ماما تهدي بية
اسمع صوت عمتي تحجي وياه وصوت هلاهلها غطى على كولشي
ماما تحجي وياي ادخل البيت رفعت راسي عيني على منصور ادور ، واكف بين أهله واني صرت غريبة عليه ، موقف ذبحني من الوريد للوريد ليش هيج منصور ليش تعاملني هالشكل معقولة ماعرفتني ليش صافن على عمتي من تحجي وياك !!!!!!
******
_ ابعدي لا تتلمسين بية !!!
نتر بية من طلع من الحمام بعدما ريكان جاب حلاق للبيت وحلقله شعره ولحيته
بقيت انتظره بينما خلص وطلع واني الي جنت قبل مهتمة بكل تفاصيله ، من نتر بية انقهرت ورغم هذا مديت ايدي على وجهه اتلمسه رجع صاح بية
_ كلتلج ابعدددي !!!
أنت تقرأ
إمرأتي
Storie d'amoreفي وقت اشتياقي لك، تتركّز كلّ أفكاري وتهرب منّي إليك، ويشدّني الشوق والحنـين بشدّة إليـك قصة رومانسية اجتماعية ، بقلمي ،الكاتبة Jawhara
