اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
_ لا يكون ناوي تشغلها هينة بالشركة ، هذا ما اقبل بي خلها تكعد ابيتها وتسكت ومصروفها يوصلها
حيدر الي رفع رأسه فوك ورجع مسح عليه بيده وهو متضايق من تدخل اكثم اخو عادل الله يرحمه ورد بصوت حاول يكون هادىء قدر الإمكان عكس الهيجان الي بداخله ..
_ شيخ اكثم انت اعرف الناس بشغلنا والمرحوم جان دوم يقدم ست ريمان ويشجعها وهي من المؤسسين لهذه الشركه بدت ويانه من اول خطوة
اكثم نهض وهو يعدل سترته ويباوع بساعته .. _ عجل وينها خلها تجي تا افهم ليش ماتقبل تواجهني جنها نست أنا منهو وشأكدر اسوي
زاد ضغط اصابع أيده وهو يكورهن بقوة يريد يتلافى اي مشاحنه وية اكثم الي بين فترة والثانية يجي لبغداد ويسويله مرة للشركة بحجة يراعي مصالح اخوه عادل الله يرحمه ، لكن وجوده الاستفزازي أصبح لا يطاق لأن حيدر عنده احساس انو اكثم يحومي على ريمان أرملة اخوه
التفت للباب الي انفتح ودخلت المرأة الي عذبت خواطره طول سنوات دخلت وسواد أناقتها زادها سطوة انثى وكبرياء امرأة شامخة حيدر اول ما وكعت عينه عليها من دخلت زادت ضربات گلبه وحاول يبتعد إلى جهة مثلما يسوي كلما يلتقون سنوات وهو يجاهد بكتم مشاعره لخاطره صديقه إلى أن فاض بي و تبدى شوگه الها
ريمان الي دخلت وسلمت بصوت ناعم هادىء وهي غير متفاجئة من وجود شيخ اگثم لأن سكرتير.ة المكتب خبرتها قبل ما تدخل ، راحت كعدت ورى المكتب بدون ما تهتم لاحد ، التفت عليها اكثم ونظراته الحادة تخترقها .. _ لزوم يتغير كلشي هينة واولهم انتي
رفعت راسها بأنفة ماعجبها كلامه ..
_ اشرب عصير ليمون شيخ اگثم وهدي حالك
نتر بيها .. _ لا تستفزيني يا مرة وتخليني اطلع اسوء ما عندي _ شيخ اكثم مكانك بالمضيف بوسط ربعك ودلال الگهوة ، لو سمحت اني جدا مشغولة حاول تتفهم وضعي
رفع تك حاجب وعينه على حيدر الي واكف ومجتف ايدي على صدره بدون ما يحجي أو يعلق ، ينتظر الراح يصير بعدها يتدخل ..
_ ها استاذ حيدر ما سمعتك حجيت ؟!!
حيدر وهو يخطف نظره لريمان الي كاعدة بشموخ ممهتمه لاي كلام يبدر من الطرفين
_ شيخ اگثم كل انسان ويبدع بمجال عمله واتمنى وصلت الفكرة !!!
