مقتطف من الاحداث
رواية: إمرأتيالكاتبة Jawhara
******************
_ تعالي سلمي على عمتج ام منصور اجتي هي وهنوفرفعت راسي لماما ودموعي على خدي وبصوت ناصي لأن مابية حيل احجي ..
_ تعبااانه ماما احس ح اموت_ لا حول ولا قوه الا بالله ، الله يصبرج ماما الله يبرد گلبج
_ مجاي يروح من بالي خياله مرافقني وين ماالتفت
_ عيون امج صارلج سنة لابد شوية تسلينة شوفي وجهج شلون اصفر دكومي حبيبتي سلمي عليهن خطية عمتج تكول من اشوفها كن شايفة منصور الله يرحمه
كما واني امسح دموعي فتت ورى ماما كاعدات بالاستقبال هنة وبيبي اول ما دخلت وكفت ام عبيدة واجتي حظنتني سلمت عليها وعلى عمتي الي عيونها مدمعه بلعت ريك وهي تكعدني بصفها
_ شلونج بنيتي امج تكول ما مهتمة بصحتج ليش يمة هيج تسويندمعتي نزلت بسرعة وطيف منصور محاوطني والله احس بي طول الوقت مراقبيني
رديت بصوت مليان عبره ..
_ مالي نفس بكولشي
ام عبيدة ردت ..
_ لاتبقين حابسة روحج تتخبلين والله انتي جنتي ناوية تكملين دراسات قدمي عليها احسن اقلها تلتهين
_ مالي واهس
_ سوي واهس لنفسج والله لو منصور موجود يزعل عليج لأن انتي كاعدة تاذينة وحرام عليج
_ ليش هنوف ليش حرام علية انتي تدرين شكد احبه وللان مصدومة ممصدكة اتوفى_ كلنا ممصدكين بس منكدر نعترض على أمر الله شوفي امي شكد تعبت بالبداية وكضتها بالمستشفى والله رزقها الصبر وماعدها غير تحتسب وتصبر
_ خسارتي اثنين منصور وابني الي ضيعته طول الوقت اكل بروحي شلون اجهضته لو باقي اقلها من ريحة منصور
ام عزام نهرتها ..
_ لا اعتراض على حكم الله يلة بنيتي عمتج وحماتج جايات يشوفنج ويتطمنن عليج قوي گلبح لا تبقين رجيجةردت ام منصور وعينها على سيرين ..
_ خليها براحتها اسال الله يعينها ويعينا
أنت تقرأ
إمرأتي
Romantizmفي وقت اشتياقي لك، تتركّز كلّ أفكاري وتهرب منّي إليك، ويشدّني الشوق والحنـين بشدّة إليـك قصة رومانسية اجتماعية ، بقلمي ،الكاتبة Jawhara