رواية: إمرأتي
مقتطف للتشويق
الكاتبة Jawhara
******************
ريمان ..
اعصابي نار مدا اتحمل اريد اوصل للبيت زين مني ما ضربتها بالشارع وهي تكولي زوجي هذا ، ولج مصخمه شوكت تزوجتي وشلون ماحسينا بيج
كوة مركزة بالطريق اخاف اسوي حادث
وقريب ما اوصل لفرعنا كسرت علية سيارة مظللة سودا اضطريت اوكف بسيارتي والتفتت على جيلان بيدها موبايلها تراسل بي
تليتها من حجابها وسحبت موبايلها ماقبلت أخذه دفعتني تريد تنزل بسرعه قفلت باب السيارة ، التفتت وأشوف رجال نزل وتقرب علينا لابس زي رسمي دك عالجامه وأشر لجيلان الي من شافته هتفت بصوت مرتاح ..
_ حسااام ، افتحيلي الباب هذا حسام
لفيت راسي بعنف واني متوقعه هو نفسه الي متزوجها
كرصتها من خدها بقوة وعطت بيها ..
_ حيوااانه هاي راسلتي !!؟؟
دفعتني وصاحت بالم وايدها على خدها الي واضح اثر احمر من كرصه أصابعي
فزيت من ضرب عالجامه بقوة يريدني افتح الباب جريت نفس قوي ونزلت بدون ما اسمحلها تنزل ، صار بوجهي قريب كولش وخازرني بعيونه مو نظرة تكول رصاصه
نتر بية وهو يأشر لجهة جيلان ..
_ خلها تنزل لا احرك سيارتج هسة
رديت بحدة واني عيوني خازرته ..
_ ياما تستحي على حالك رجال شكدك تضحك بعقلها وتتزوجها بالسر شنو تايهة ماعدها أهل
رفع حسام أيده بحده واضحه وأيده الثانية على حزامه دا يظهرلها سلاحه ..
_ اششش ولا كلمة انتي منو تحاسبيني ولي من وجهي وخل جيلان تنزل
صاحت جيلان تهدي الوضع لأن تعرفه عصبي وتخاف ياذي اختها وحست بالندم لأن راسلته
_ حساااام فدوة عوفها
أنت تقرأ
إمرأتي
Romanceفي وقت اشتياقي لك، تتركّز كلّ أفكاري وتهرب منّي إليك، ويشدّني الشوق والحنـين بشدّة إليـك قصة رومانسية اجتماعية ، بقلمي ،الكاتبة Jawhara
