رواية : إمرأتي
الفصل الثاني عشر
الكاتبة Jawhara
********************
* حـــين يشتــــد اشتياقـــــي لك..
احـــلم بك ســــرا....... واخاطــبك صــمتا
واعشقــــك خـــيالا.......
وألتـــقيك.يا أنـــت...بـل يا أنا....
* على هوامش السطور . . كل حديث بيننا لقاء
*********************
جيلان ..
ماحسيت الا وكعتي يم الثلاجه وصوت عمة هبوب
ام نذير رفعت راس جيلان ومسحت على وجهها وشعرها بحنية وتحجي وية امها ..
_ سودة علية شوفي الوجه نومية صار
ام عزام وهي تقرأ أدعية على رأسها وتنفث ..
_ كومي اخذيها لغرفتي خلها تمدد عالسرير ومن تجي ريمان تأخذها للطبيب
خل أصيح سيرين تساعدني مااكدر لوحدي
اجت سيرين ساعدت امها واخذنها لغرفة ام عزام الي اجت وراهن تتطمن على جيلان الي صحت بس بعدها دايخه
ام نذير حجت وية سيرين تسوي عصير واجيبه بسرعه وكعدت تفرك بيديها وبكصتها وتحاجيها ..
_ شبيج ماما هاي احتمال ضغطج نزل
جيلان ساكته ماترد مالها خلك كولش لأن الدوخه ضوجتها مجاي تكدر تركز ويادوب شربت من العصير الي جابته سيرين وماقبلت تكمله
حطيت راسي عالمخدة وبيبي بصفي كاعدة مركزة بوجهي وكالت لسيرين تخابر على ريمان تجي تأخذني للمستشفى
مرت ساعة وريمان ما اجت رجعت بيبي صاحت سيرين تتصل ..
_ وين راحت ليش مترد على موبايلها ؟!
_ بيبي أكثر من مرة اتصل
دخلت ريمان سلمت عليهن وراها عمتها هبوب
تقربت من اختها سالتها بقلق ..
_ كومي اخذج للمستشفى وجهج ذبلان
_ مابية شي صرت زينة
ام عزام ماعجبها وضع جيلان ..
_ كومي خل اخيتج تأخذ لا تعاندين
،،،
بالمستشفى الدكتور كال تسوي تحاليل يتأكدون أكثر
دخلت جيلان بالمختبر واني كعدت انتظرها أكثر من مرة موبايلي يرن واتجاهله لأن حسام يتصل خبلني شيريد هذا ، تذكرت موبايل جيلان باقي عنده واكيد يريد يتواصل ويعرف اخبارها والله احتاريت بي ما اعرف يريدها لأختي لو يضحك عليها !!!؟
فتحت خط واسمع صوته يحجي بنترة ..
_ أكثر من مرة اتصل ليش متردين ؟!!!!
_ ماعندي مجال ومو كاعدة بس لجنابك
_ هذا لسانج ... استغفر الله لا تجبريني اغلط
مالي طاقه اجادله ..
_ شتريد حسام ؟! إذا تسال على جيلان فهي تعبانه كولش ومن الاخير احنا بالمستشفى لأن تخربطت هذا اذا يهمك أمرها يلا باي
_ انتظررري لا تسدي خل اعرف اسم المستشفى
انطيته العنوان وسديته واني متأكدة مراح يجي لأن مامهتم بيها وهاي شكليات على شوفوني اسال على مرتي
بقيت انتظر وعيني على باب المختبر تاخرت وين راحت كمت اشوفها جانت الغرفه مليانه مرضى صدك جذب شنو هالهوسة كل نظام ماكو يعني مريض طافرة روحه بهيج وضع يتخربط ، حجيت وية الممرضة دخلت للمختبر تساعد اختي لأن كولش تعبانه والي موجودين مو مثل وضعها لأن هي يادوب ساندة طولها ، ماقصرت الممرضة وياها ، اني رجعت بقيت انتظر برا
أنت تقرأ
إمرأتي
Romanceفي وقت اشتياقي لك، تتركّز كلّ أفكاري وتهرب منّي إليك، ويشدّني الشوق والحنـين بشدّة إليـك قصة رومانسية اجتماعية ، بقلمي ،الكاتبة Jawhara
