إمرأتي

الفصل الثالث والعشرون

رواية : ٱمرأتي

الفصل الثالث والعشرون
الكاتبة Jawhara

******************
مهما إبتعدنا ...إفترقنا ....يبقى الاشتياق يمتلك مفاتيح الأبوااب التي أغلقها النسيان فلا نستطيع أن نغلق ونرحل ..

******************
جيلان ..
ماقبلت اشوف حسام وخالو سعد ما لح علية كال ما اضغط عليج بس فكري زين
أعرف بي ميطيقه ومتحمله لخاطري لأن اشك يعرف بي هو الي ضربه طلقة صح ماجاب طاري لكن اشك بهذا الشي
دخلت بغرفتي لحكتني رهام اجت كعدت بصفي عالسرير ..

_ جيلان ليش مادخلتي اقلها تسمعين على شنو جاي يحجي وياج

_ مابيناتنا حجي أكثر من رجعتج يلا تعاي وياية

_ ميخالف المفروض تسمعينه لاتنسين هسة انتي حامل بأبنه

_ ابني هذا ما انطي لحسام

_ البارحه كلتي مايستمر الحمل اليوم تحجين غير شكل

_ لا لا اسم الله ، اني لأن مقهورة حجيت

_ الله يتمملج على خير ويسهل حملج وتكومين بالسلامه

_ امين يارب

طلعت رهام واني بقيت بغرفتي اتصلت بية ريمان وبقينا نسولف على عرس سيرين وذكرتني اتصل اباركلها والله مجاي اركز لأن وضعي مخربط  بعدما سديته منها اتصلت على سيرين وباركتلها ومبين عليها فرحانه من صوتها ماطولت وياها لأن عروس واكيد زوجها وياها
ورى صلاة المغرب طلعت من الغرفة فتت اساعد رهام بالعشا جان خالو كاعد يمها عالقنفه وبيده موبايله يكلب بي ويسولف وياها من شافني صاحني . .

_ تعاي هينة بسدي

كعدت وايدية بحظني لفيت راسي عليه من سألني ..
_  شنهو ناوية عليه ؟!!

_ مافهمت !!

_ شتريدين بتصرفج الي سويتي اليوم ماطلعتي على رجلج تحجين وياه !!!  ، كلتله ماتريد تحجي وياك ولا تشوفك صار عصبي وبقى يهدد بس انا مانطيته مجال كلتله بكلامك هذا تخسرها بعد اكثر راجع نفسك ولا تتهور لأن مو احنا الي نتهدد

_ وشنو كال ؟!!!

_ ماحجى طلع بسرعة ،  واعصابه صايرة  نار هذا

_ يستاهل خل تحترك أعصابه

_ عجل انتي ناوية على جرة إذنو

_ خالو كولش آذاني من حجى علية نسى بلحظة شكو شي زين سويته 

_ تحملي هذا اختيارج  ، ماريد افتح سالفتج وانتي تعرفين و عشتي صدمتنا كلها وشكد جنت قاسي وياج واذيتج تدرين ليش لان ماردت بنت من بنات اختي الله يرحمها تكون حجاية بحلك اليسوى والمايسوى  وكفت وياج وساندت هساع ماريد رجلج يكول ماعدها سند ومن اجيتي لبيتي تردين حمايتي  ماعزيت عليج شي هاي أنا حاطج بعيوني والاريدة منج تكونين  واعية أكثر  ماريدج تتصرفين بشي أنا ما ادري عنو