رواية : إمرأتي
الفصل الثامن عشر
الكاتبة Jawhara
******************
السلام عليكم ورحمه الله
عزيزاتي اني ماكلت أوقفها للقصة ترى واضح كلامي الي نزلته بالبارت السابق كلت عندي ظرف وما اكدر انزل بارت ،، اني بما يسمح بي وقتي دا اكتب وانزل ، كل إنسان عنده بحياته اشكال وانواع الظروف واعتقد اني بكل قصصي ملتزمة بتنزيل بدون انقطاع صادف هالمرة عندي ظرف يمنعني اتواصل بالكتابة والتنزيل د احاول اكتبلكم بالاكدر عليه ، اكو بيهم ضايجات ويحجون دخلولي خاص يكولون شدعوة عيني تخلينا ننتظر ،
اني متابعاتي يعرفوني زين ما اتاخر عليهم ويقدرون هالشي
تحياتي للجميع ✋
**************
حيدر ..
طلعت من البيت ماتحملت ابقى بعد الصار بيناتنا ذبيت اللوم على روحي وبنفس الوقت عليها ماجاي اتحمل اشوفها وياي تتنفس الهوى نفسه نكعد سوى وناكل وتنام وياية بنفس الفراش وممنوع علية اتقربلها وين صايرة هاي اني كل عقلي هيج باقي صارلي شهر منطيها على جوها وتالي شنو الي استفاديت منه ، اني كاعد اضحك على روحي ، ريمان زوجتي وحلالي والمفروض هي تفكر بهذا الشي اداري خاطري مثلما اداري خاطرها
استفزازها الي وهي تكلي مو رجولة الي اتسوي خلاها لأعصابي تغلي واخذتها ما اهتميت لاي مقاومة جسدية من طرفها لأن جنت ناوي عليها ، ..... عفتها تبجي وطلعت من الغرفة ومن البيت اسمع امي تسالني ليش هالصياح انت وزوجتك كلتلها سوء فهم وانحل
طلعت بسيارتي واني متاكد امي راح تسال ريمان ،، ورى فترة كاعد بالكافيه اتصلت ريمان عكدت حاجبي معقولة تتصل وتحجي وياي والله اني كلت راح اطنكر علية ..فتحت خط اسمعها تسالني شوكت ارجع ، عرفت امي عدها من سالتها كالت عمتي تسال عليك حجيت عليها لأن اعرفها ضايجه بعد ما غصبتها عالعلاقة الصارت بيناتنا ، كلتلها من ارجع تنفذين كلامي هي ماعجبها هالشي لأن الاريده منا ورايح علاقة كاملة بالطيب بالغصب تتنفذ سديته لموبايلي وطلعت من الكافيه متوجه للبيت اول ما دخلت صار بوجهي كرار سألته ..
_ خير وين طالع ساعة ثنعش ؟!!
_ الخاتون خلصت حفاظات لحيدوري ورايح اشتري من الصيدلية
_ ارجع اني اشتريله
_ وين تعال يمعود امي كالبة البيت عليك من طلعت وبعدها مانايمة تنتظرك !
دخلت البيت بعدما راح كرار لأن ماقبل ارجع ، تلكتني امي سلمت عليها وبوست رأسها ..
_ يگلبي ليش بعدج منايمة !؟
_ گلبي نار عليك من طلعت وماترد على موبايلك ؟ شبيك ماما حيدر ليش هالاعصاب هاي شنو سوتلك زوجتك وطلعت مقهور ؟!
طمنتها واني اخذها لغرفتها كعدتها على جربايتها ..
_ تطمني يوم ماكو شي مجرد شغلات تخص شغلنا بالمكتب
امي وهي ممقتنعه ..
_ حيدرر ماتعبر علية السالفة ؟!
_ لا تخلي ابالج فديتج سالفة انتهت مابيها الا كل خير ان شاء الله
_ أن شاء الله ماما لعد اني شأريد غير كل خير
أنت تقرأ
إمرأتي
Romanceفي وقت اشتياقي لك، تتركّز كلّ أفكاري وتهرب منّي إليك، ويشدّني الشوق والحنـين بشدّة إليـك قصة رومانسية اجتماعية ، بقلمي ،الكاتبة Jawhara
