رواية : إمرأتي
الفصل الثاني والعشرون
الكاتبة Jawhara****************
🌹رمضان مبارك 🌙وكل عام والجميع بالف خير وصحة وسعادة 🌹
_______________________
حبيباتي تتوقف القصة إلى اشعار اخر جنت اتمنى اكملها قبل شهر رمضان لكن للظروف أحكامها .. اتمنالكم صيام مقبول أن شاء الله
واجر ثابت 🌹
__________________________* الحب أن أكتفي بك، ولا أكتفي منك أبداً.
****************
سيرين ..
والله نسيت نفسي من شفت منصور دخل القاعة يمووت يجنن شكد لايك عليه القاط حسيت بغيرة واني اتخيل البنات عينهم عليهورى مالبسني الذهب قرب رأسه وكال استري متونج أنا شنهو وصيتج !
سكتت ماحجيت ، اشر لأخته هنوف وشاورها بسرعه اجت علية وبدت ترتب الشال وهي تتعذر انو اخوها مايقبل يغار لو حتى بس نسوان الحفلة
هنوف وهي توكف مبتسمه ..
_ شيخلصج خليج هيج احسنابتسمت بخجل وأيدي على صدري رفعت راسي من اجت ريمان دنكت شاورتني ..
_ اي ابتسمي فديتج لا تبقين صافنه
_ فشلني يكلي استري نفسج
_ عادي حبي واضح يغار عليج
_ معلية زعلت عليه
_ مو وكت هالسوالف يلا ابتسمي لأن بيبي تكول شبيها ضايجه
صعدت صديقاتها وحجن وياها سحبنها تركص
ابتعدت ريمان رغم طلبت منها سيرين تركص وياهن ماقبلتمنصور الي كاعد اول ما تجمعن البنات اتصل على اخوه ساجر الي ينتظر برا بسيارته مدخل القاعه وصاه يتحضر لأن راح يطلع وكف يريد يطلع وهو يرفع أيده يأشر لهنوف ..
_ ابقى شوية بعد وكت
_ لزوم ارجع يلا صيحي امي تا نطلع وشوفي مرة ساجر ومنهي تجي من البنوات
راحت هنوف حجت وياهن وبدن يتحضرن كلمن لبست عبايتها فوك الفستانوحدة من البنات صديقات سيرين حجت وياه من شافته عبالها وكف يريد يركص
_ تعالو هنا د نركص وية سيرينرد بثكل وهو يعدل رباطه ..
_ اخذن راحتجن أنا طالع
ردت سيرين وهي تتقرب عليه أكثر ..
_ وين رايح توها الحفلة بدت !؟سحب نفس مشبع بعطر هادىء لذيذ تغلغل بحواسه وعينه عليها تحومي ورد بكلمان يطيب خاطرها ..
_ ورانا حنة الزلم ينتظروني هناك بالبيت عيب اتاخر عليهم ، يلا ديري بالج على روحج ملتقانا باجر باذن اللهطلعو والبنات صديقاتي سحبوني د نركص صح ركصت وياهن حتى ريمان شاركتنا بس جنت حابة يبقى فترة أطول
حلوة حفلتي وصديقاتي سوولي جو يجنن رجعنا البيت سبحت ومددت بفراشي ماتعشيت كلتلهم انام ارتاح بس جذب عيني ما اجاها نوم واني افكر باجر والزفة والطريق لبيتهم وشلون ينسد باب علينا يمااااه گلبي يدك سريع وادور ماما كولشي ماحجت وياية تكل لريمان احجي وياها علميها وريمان بالها مو يمي اصلا يادوب حجت كلمتين ، ماريد يحجولي شي خلوني هيج احسن ، نفضت الغطا ونزلت من الفراش باوعت ساعة موبايلي اهدعش طلعت من غرفتي اسمع صوت بالهول رحت كعدت عالقنفه جان نذير وماما يسولفون بطاري بيتنا يريد يطلع المؤجر منه يبيعه ويأخذ بيت غيره ماما متقبل تعوف بيبي بوحدها
_ نذير احنا تعودنا نعيش بهذا البيت مانكدر نعوفه
أنت تقرأ
إمرأتي
Romanceفي وقت اشتياقي لك، تتركّز كلّ أفكاري وتهرب منّي إليك، ويشدّني الشوق والحنـين بشدّة إليـك قصة رومانسية اجتماعية ، بقلمي ،الكاتبة Jawhara