رواية: إمرأتي
الفصل الاحدى عشر
الكاتبة Jawhara
*******************
* فيني عتب مدري تعب
او هي مشاعر كاذبه
و فيني ألم تالي وهم
يعزف مواجع تايبه
و معنى القهر اني وفي
لكن حظوظي خايبة
******************
ريمان ..
_ بيبي هو كال بالليل يجون أهله واني كلت انطيج خبر
_ ريومة بيبي احنا بحال اختج الي مدري وين راحت لو نتحضر لخطوبتج !!
_ تمام يعني اتصل على حيدر والغي كولشي الخطوبة والزواج
_ شبيج انتي اني مو هذا قصدي
_ بيبي لعد شسوي وانتي تدرين ليش هيج تصرفت
_ هسة لو بس اتطمن على جيلان والله گلبي نار عليها
_ اني هماتين مقهورة وماعندي مكان اروح ادورها ردت اخابر خالو سعد واستحيت والله لأن بس بالمشاكل اسال عليه زحمة
_ انتي اول وتالي تتصلين عليه لعد اقلها يكون موجود من يجي حيدر وأهله والله اخاف يسويلنا سالفة شكبرها إذا عرف بجيلان
_ ما اعرف بيبي اني محتارة ، لعد خل ناحل سالفة حيدر ونحل سالفة جيلان ، حاتصل بحيدر وأخبره ياجلها غير يوم
_ خوش ، اكلج ريومه ليش متسألين يم ظبية هي صاحبتها روحي لبيتها
_ حسام يكول ماكو هناك
_ ماعليج بي انتي روحي أخذي عنوانها منه وروحي شوفيها
_ ماريد احجي وياه أكرهه انتي حاجيه خل يدزلج العنوان
_ اطلبي د احجي وياه
_ انتظري هو اتصل علية برقم يمكن رقمه هذا
،، هاج دا يرن
ام عزام حجت وياه وهو سألها مستغرب ليش تريد العنوان كالتله تريد تحجي وية صديقتها لجيلان
دزلها العنوان ، وريمان اخذت موبايلها وجنطتها وطلعت صاحت وراها ام عزام ترجع تتغدى ما رجعت
ام عزام وهي تسبح وادردم وية روحها رفعت راسها لبنتها ام نذير دخلت الهول ..
_ شبيها ريمان مستعجلة مو دا احضر بالغدا
_ تروح ادور ورى اختها خوما تعوفها
_ عينها صلفة جيلان هسة تزوجتي اكعدي واسكتي شنو هالحركات هاي من البارحه مدوخة العالم وراج
_ فوتي ولج لا تبقين تحجين عليها انتي ضايجة منها فوتي صبي الغدا
_ لا والله شسوي مالنا نصيب بيها وابني ماقاصره شي يأخذ الدكتوراه ويتعين باحسن وزارة أنا احجي لمصلحتها
سكتت ام عزام شتحجي الطرفين يرجعولها ماتكدر تكسر بخاطر واحد على حساب الثاني
،،،
ريمان ..
نزلت يم البيت وأيدي على جرس الباب محد طلع بقيت واكفه باوعت بساعتي صار عشر دقايق اني هنا ، انفتحت الباب وطلع رجال يمكن زوجها لصديقة جيلان سلمت عليه وسألته على زوجته اريد احجي وياها كال تفضلي ماقبلت ادخل للبيت لأن اشوفها صعبة
بقيت واكفة إلى أن طلعت ظبية
_ هلو ريمان تعالي تفضلي هلا بيج
_ محتاجة احجي وياج ضروري
_ مايصير تبقين برا
دخلت وياها جوا البيت فتنا للاستقبال واول ما كعدت بصفي سألتها واني احلفها ..
_ عليج الله اذا تعرفين شي عن اختي احجي والله من البارحه مانايمين نفكر بيها وين راحت
ظبية وهي تشوفها محتارة ومقهورة وانوب تحلفها وكفت ..
_ خل اضيفج شي ياعيني
أنت تقرأ
إمرأتي
Romanceفي وقت اشتياقي لك، تتركّز كلّ أفكاري وتهرب منّي إليك، ويشدّني الشوق والحنـين بشدّة إليـك قصة رومانسية اجتماعية ، بقلمي ،الكاتبة Jawhara
