الحلقة 1 :
فاقت الصباح على حس السونري متاع تليفونها حلت عينيها لقاتها تسعة متاع صباح سكتتها و رجعت رقدت قعدة شوية و قامت تجري خاتر تفكرت الي ليوم اول نهار خدمة في شركة كبيرة متاع صناعة الصبابط (طالون).
ستوووب خلي نتعرفو على شخصيات هذه إسراء 26 سنة بنية بيضة و شعرها بني ارطب يغزل لحرير و عينيها زرق موجة بحر ، طول و ڨد و ألف واحد يتمناها ، و غسان 28 سنة مولا شركة ڨولد متاع صبابط طويل و عندو لحية و شعر و بدن مڨدود حاصيلو مواصفات كل طفلة ..
في الحقيقة اسراء دخلت للشركة باش تاخو حق بوها الي عمل اكسيدون و غسان لفقلو التهمة و دخلو للحبس باظلم .
وقفت قدام لمراية مشطت شعرها و مكيجت و لبست سروال اكحل و مريول ابيض و جاكيت كوير و خرجت باست امها من جبينها
_اسراء: أمي ادعيلي
_امها(مريم) : بنيتي ندعيلك انشأ الله ربي يوفقك و يحميك
_اسراء : عيشك مريوما يفضلك ليا
_أمها: يا بنيتي متأكدة من روحك تنجم تخدم و تقرا منيش فاهمة علاش حبيت على خدمة
_اسراء: أمي ماهو حكينا فيه الموضوع
_امها: باهي في وديعت ربي .
تبسمت و هزت ساكها و خرجت من دار تستنى في تاكسي
***
أحداث صارت قبل بالنهار :
_اسراء: آلو .. أليف هاكا القضية حاضرة
_أليف(صاحبة اسراء) : أهلا اسراء أي حاضرة ايجي للقهوة متاع العادة نستناو فيك .
_ اسراء : باهي ، منبطاش .
لبست روبا مزيانة روز و طالون نوار و خرجت مالدار باش تقابل أليف و طلال عاد اول ما وصلت للقهوة وقفت شوية تلوج عليهم لين شافت أليف توميلها بيديها قاعدين في تركينة بعيدة على عينين سلمت على صحبتها و الي معاها و بلا سلام ولا كلام قالت الطلال :
_ جبت الي تفاهمنا عليه .
_طلال: جبتو و كل شي حاضر انتي من اليوم ولا إسمك إسراء بن علي معادش إسراء بالحاج بما إنك متحبش تبدل اسمك .
_اسراء: اي بابا سماني منجمش نبدلو .
_اليف : اي و عايلتها و قرايتها اش عملنا فيهم .
_طلال : متخافش حبي صاحبك راجل , اسراء بن علي عائلتها متوفية و هي عاشت في دار لايتام و قرات في جامعة قرطاج لإدارة الأعمال .
_أليف : يعني تو صعيب باش يفيقو الي هيا مزورة ماهو .
_طلال: يابنتي متخافش حتى الادريسة حطيتها في داري يعني لأمور كيف الزيت فوق الماء.
_اسراء : يعيشك منسالكش معروفك .
عملت هاكا و خرجت شركتها الذهب و عطاتهالو
_اسراء : مفوقيش فلوس تو خوذ هذه يضهرلي تكفي .
_طلال: اي مزيانة ، نخليكم تو .
🔞يظهرلي فهمتو شنو باش تعمل اسراء ، اي أي باش تدخل للشركة باسم مزور باش تاخو حاجة تدل على انو بوها برئ 🔞
خذات تاكسي و مشات للبار الي فيه غسان خاتر تعرف هو وين يمشي ديما ، يعني مخططة لكل شي par détails اول ما وصلت لقاتو على كونتوار
مع زوز رجال ضاهر فيهم يخدمو عندو مشات تجري مقابلتو حتى لين تظربت فيه و كبت عليه كاس الشراب .
_اسراء: شوف قدامك نورمال انت ؟.
جاو الرجال الي معاه باش يتدخلو اما ڨحرلهم على جنب و قال لإسراء :
_ شنوة ظاهر فيك ماكش عارفة مع شكون قاعدة تحكي ، شنو اسمك ؟
_اسراء : اسمي و انتي اش دخلك ؟
_غسان : زايدة الحركات هذه راو , نجم في اقل من دقيقة نعرف عليك كل شيء هيا أطلب سماح .
_اسراء: اسمعني مليح ، الحركات هذه تعجب لبنات لخرين أما انا لا يا سيد تفهم فيا .
_غسان : و انتي شنوة الي يعجبك ؟
_اسراء : الي كيفك صعيب يفهم .
بعد ما قالتلو لكلام هذا خرجت تجري و هي متغششة و ترعش كلها لقات تاكسي قدام البار خذاتها و مشات ... خرج غسان وراها باش يخلط عليها ويفهم قصتها أما ما لقهاش . تبسم شوي وحدو و قال لليخدم غادي باش يجيبلو كرهبتو
