عملت روحها مسمعتش اسراء و كملت في طويل حست بالبرد أما مهتمتش و غسان مزال يجري وراها _غسان : اسمعني مليح ، زيد شق لخلا خلي ذيويا تاكلك سمعت اسراء كلامو وقفت اما منغير ما تتلفت تبسمت هازية و في حسرة و بعد دارتلو و قالت _اسراء : ذيوبا ارحملي منك تفهم فيا ، ارحم _غسان : باهي ارجع خلي نوصلك و بعد جرا وراها و شدها من يدها يالقوي و كركرها حتى وصلها للكرهبة طلعها و سكر الباب بالقفل و طلع بجنبها خدم الكرهبة و طار خالا كان لغبابر وراه وصلو لقدام دارها هبطت من غير حتى كلمة حلت اسراء الباب متاع الدار لقات امها مازلت تستنى فيها مفجوعة _ بنتي شبيك لتو ، وه وه شبيها حالتك هاكا خزرت اسراء لروحها لقاتها كلها باتراب و طبعة _اسراء : امي ايجا عنقني عنقت امها و قعدت هكاكا قريب درجين وهي ساكته _امها : يا بنتي شبيك حيرتني _اسراء : مفما شي امي , الخدمة تعبتني قداش الوقت تو _امها : بطل منها هالخدمة يزي مالنهار لدخلتي لهالبلاصة المشومة و انتي ذابلة تسخايلني مانيش فاهمتك . تو 01,04 _اسراء : يا ريتني كونت نجم . نحب نرقد أنا تصبح على خير دخلت لبيتها سكرت على روحها و طرشقت بالبكاء و تخمم في المصيبة الي حلت على راسها هي عرست تحت التهديد ، عرست باش تحمي بوها أما منجمتش تلقى حل اخر . بدلت حوايجها سكرت الباب بالمفتاح و رقدت محملة تصوير بوها فاقت علي صوت التاليفون يصوني شافت لقاتها أليف _ اليف : أهبط _اسراء : اش فما _اليف : تي اهبط فيسع لبست اسراء جيلي و خرجت تجري عرضتها اختها ايمان (ايمان 19 سنة نسخة مصغرة من اسراء شعر و عينين أما الحاجة الوحيدة الي متشبهاش فيها هي طبيعة ايمان حساسة و حنينة معندهاش القوة الي عند اسراء باش تدخل للأحداث في حلقات الجايين تو تزيدو تعرفوها ) أختي و ينك عندنا برشا ماحكيناش . _اسراء : ياروح اختك انتي ، نمشي لأليف حاجتها بيها لوطة و إنتي ادخل لبيتي و استناني تو نحكو _ايمان: باهي خرجت اسراء لقات اليف تستنى فيها سألتها و هي مزروبة و متحيرة _اسراء : اش فما اليف _اليف : ريان جاني امس اسراء وجهها تقلب تفكرت هاكي العملة لمشومة اما سألتها _اسراء : اش بيه ، اش يحب _اليف : سألني عليك ... نقصد عليكم _اسراء : احكي اليف اش قتلو و اش قالك الي فيا مكفيني _اليف : باهي وسع بالك اللطف ، قالي الي هو مازال يحبها برشا و الي هو باش يبطل من هاكي المصفارة سيلين و بعد سألني لو....ا..ا.. _اسراء : لو ..شنو _اليف : لو كان مازلتي تحبيه ولا لا سكتت اسراء و رغم انها حبت تتصنع القوة لكنها منجمتش استسلمت لدموعها ومفاقت بيهم كان و هوما علي خديها شدتها اليف و قعدتها على حافت الرصيف و سألتها _اليف : اش فما اسراء علاه لبكا _اسراء : أنا عملت حاجة مش باهية يا أليف ، مش باهية _اليف : اش صار احكيلي . مسحت اسراء دموعها الي هابطين حيار و بلعت ريقها _اسراء : أنا .. اووووف _اليف : اسراء تكلم قتلتني _اسراء : انا كتبت صداقي على غسان قامت أليف مالصدمة ضربت اسراء بكف و هي تصيح عليها _اليف : على اساس تكرهو الراجل هذاكا ، هكا انتقمت من بوك هكا ، سمحني اسراء اما الي عملتو يحشم راهو ، خسارتك مشات و خلات اسراء تغفص في دموعها دخلت لدار سكرت الباب مشات للكوجينا باش تشرب يدها ترعش تجي تشد الكاس يتكسر زادت حالتها و بدات تبكي و بعد مشات غسلت وجها و ورقبتها و خذات نفس مشات لأختها الي تستنى فيها في بيتها _ايمان : اش فما اسراء كونت تبكي _اسراء : لا يروحي مكنتش نبكي _ايمان : اسراء راني كبرت و معادش صغيرة وليت نعرف و نفهم _اسراء : خليلي أختي الي كبرت ايجا. لعندي عنقت أختها و قعدو هكاكا حتى لين تكلمت ايمان _ايمان: اسراء _اسراء : نعم _ايمان : زعما بابا باش يرجع لدار _اسراء : اي باش يرجع نوعدك ، باش يرجع لازمو يرجع . قعدو معنقين بعضهم حتى هزهم النوم و هوما معنقين بعضهم فاقت اسراء لقاتها 13:52 فيقت ايمان : _اسراء : ايمان ، ايمان قوم عيش اختي .قوم معادش بكري على الكور متاعك _ايمان : ياخي رقدت هوني انا _اسراء : اي مش عاجبك _ايمان : مخيبك و قعدو يضحكو كانت امهم باش تتفقد اسراء اما سمعتها تضحك قلبها طمان شوية
ايمان : اختي _اسراء : همم شبيك . _ايمان : لحقيقة صحبتي عاملة عيد ميلاد و انا نحب نمشي نخاف نقول لأمي متخلينيش و لا خليني نقول خويا ميخلينيش _اسراء : امي مسكينة تخاف عليك اما خويا مش لاهي بينا نهار كامل و هو يقمر و يشرب برا اختي اقرى على روحك و لعشية كي تروح تو نحكو _ايمان : عيشك سرورة باست اختها و هي تضحك ضحكة خارجة مالقلب مافيها لهم ولا غم صافية حليب . هيا خرجت و تايفون اسراء الي حاطتو فيبرور نوقز قامت اسراء هزتو لقاتو غسان تمحت هاكي تبسيمة و هزت عليه _غسان : صباح الخير يا مرتي وينك اليوم ماريتكش في شركة و لا بديت تدلل وليت مرت المدير _اسراء : اش تحب اسراء ماذبيها كلمة و قص في دار باش ما يسمع حد _غسان : هاكا تو حرام عليك _اسراء : علاش طلبت _غسان : شي نحب نتعرف على نسابي _اسراء : رد بالك _غسان : ايجا هاني نستنى فيك في راس النهج _اسراء: اه.. باهي طيشت التلفون على طول يدها و هزت شعرها و مشت لخزانتها لبست كلها في اسود و خرجت اول ما وصلت للكرهبة جاء الشوفور باش يحل الباب _اسراء : معادش تحللي الباب نعرف نحلو وحدي جود : حاضر مادام حلت الباب بلقوي و ركبت بجنب غسان و هي تغزل بكلها _اسراء : احكي اش تحب _غسان : خلينا نمشيو ساعة بدات تنفخ اسراء خدم جود هاكي الكرهبة و خرجو مشاو ديراكت لمطعم مضخم مش نورمال
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
