حلت الباب لقات ريان يستنى فيها ماحبتش تكلمو
شدها من يدها
_ريان: اسراء اش تعمل هوني ، شنيا علاقتك بالراجل هاكا
_اسراء : ابعدني ريان ورد بالك تحاول تمسني المرة الجاية
_ريان : اسرا...
قص على حديثهم غسان و هو يسأل
_غسان : اسراء فما مشكل
_اسراء: لا مفما حتى مشكل
_غسان: باهي هيا مالا
مشاو هابطو لوطة و كي وصلو حذا الباب
_اسراء : انا يلزمني نمشي معاش بكري
_غسان : أما أنا منتفكرش قوتلك حاجة كي هاكا
_اسراء : كانك على خدمة نجم نخدمها وحدي أما يعيشك سي غسان برسمي لازمني نروح
_غسان : أي انتي الخدمة باش تخدمها و حدك أما تو لازمك تقعد تفطر معانا .
_اسراء : متكبر
_غسان: نعم
_اسراء : حتى شي
تبسم غسان و شد اسراء من يدها و هزها للطاولة و قدام عايلتو الكل جبدلها الكرسي بجنبو و قعدت و بعد قعد هو و هو يغزرلها
بعد تلفت للسيلين و قال :
_غسان : اي مالا يا سيلين وقتاش العرس
_ريان : مازال مناش حاضرين مش هاكا سيلين
_سيلين : و علاش مش حاضرين من رايي ساي وقيت عنا تو عامين مخطوبين
هوما هكاكا و تشرق اسراء بعد ما سمعت خاتر ريان مشا و خلاها من عامين
_غسان: شبيك اسراء
_اسراء : لا حتى شي يلزمني نمشي
_غسان : باهي خلي شوفور يوصلك
_اسراء : لا موش لازم تو ناخو تاكسي
_غسان : مانيش باش نعاود كلامي مرتين .
خرجت من الدار وركبت في كرهبة ووصلها حتى لشطر الثنية و هبطت باش ما يعرفش لبلاصة
مشات على بحر باش تشم شوية هواء في البلاصة متاعهم هيا و ريان و بعدها تعدات للأليف باش تفرغ قلبها كي وصلت لدار لقات يوسف خو أليف الصغير يلعب قدام الدار
_يوسف : ياخي كنت تبكي
_اسراء: لا ياروحي مكنتش نبكي عيش صغروني تنجم تعيطلي أليف تو
_يوسف: أليف تخدم تو وقالت لي متعملش الحس
_اسراء: قلها حكاية مهمة برشا قلها تجيني
_يوسف: باهي
مشا يعيطلها درجين جاتها للدار
_اليف: اسراء يا روحي يوسف قلي لي حاشتك بيا وقلي لي نتي كنت تبكي شفما شعملك مكبوب السعد اكا غسان لاتربحو
_اسراء : ريان ..
_أليف : ريان شكون ... متقوليش ريان ..نفسو
_اسراء : أي ريتو اليوم في دار غسان
_أليف: شنوة ؟ وانتي اش تعمل في دار هاكا لمسخ
_اسراء : أمان مش مهم ، ريان عندو عامين ملي تخطب معناها خاني و بدلني بأخت هاكا لساقط
_أليف : منصدقش ، باهي هدي روحك أش باش تعمل تو
_اسراء : اوف و الله ما نعرف كل وين نجي نحل باب يتسكر عشرة
_أليف : تحمل يا روحي لزمك تتحمل على خاطر بوك اسراء و ريان أحقرو و انساه
_ اسراء : هذاكا الي باش يصير الي ينساني ننساه
_ اليف : ايجا عنقني
بعدها وصلت إسراء لدار عرضتها أختها عنقتها و بعد مشات لصالة باش تسلم على امها
_اسراء : عسلامة أمي
_مريم : أهلا بيك مخر اليوم منهار لول هاكا
_اسراء : قداش الوقت تو
_امها مريم : تو 17:22
_اسراء : اوف معاش بكري
_مريم : على شنوة
_اسراء : لا شي عندي دوسيات لازم نخدمهم
_مريم : ما تعبش روحك بنتي اش تحب نعملك عشاء
_اسراء : مانحب شي امي كولو صحة وفرحة هاني في بيتي مايقلقني حد
_امها : على راحتك ربي يعينك .
دخلت لبيتها و سكرت الباب بالمفتاح و طرشقت بالبكاء فرد مرة
